ہندوستان کی بات عالمی سطح پر سنی جاتی ہے، اس پر عمل بھی کیا جاتا ہے : راجناتھ

جھانسی(یواین آئی) وزیر دفاع راجناتھ سنگھ نے مودی کی قیادت میں نئے ہندوستان کی تعمیر کا دعوی کرتے ہوئے کہا کہ گھر اور باہر دونوں جگہ ہماری حکومت بخوبی کام کرر ہے ہیں ۔آج ہندوستان کی بات عالمی سطح پر نہ صرف سنی جاتی ہے بلکہ اس پر عمل بھی کیا جاتا ہے ۔ بندیل کھنڈر میں بی جے پی کی جن وشواس یاترا کو روانہ کرنے سے پہلے ایک بڑی عوامی ریلی سے خطاب کرتے ہوئے وزیر دفاع نے جہاں ایک طرف ریاست کی بی جے پی حکومت کے کاموں کی جم کر تعریف کی تووہیں انہوں نے اپوزیشن جماعتوں خاص کر سماج وادی پارٹی کو آڑے ہاتھوں لیا۔ اس موقع پر ریاست کے نائب وزیر اعلی ڈاکٹر دنیش شرما،وزیر بی ایل ورم ا ومنوہر لال پنت وغیرہ خاص طور سے موجود رہے ۔ راجناتھ نے کہا کہ بی جے پی نے عزم کیا تھا کہ کسی کو بھی بھوک سے مرنے نہیں دیں گے ۔ کورونا بحران سے وزیر اعظم غریب کلیان یوجنا کے تحت ہر مہینے دو بار اناج تقسیم کیا جارہا ہے ۔ ہمارا عزم ہے کہ سال 2024 تک ہر شہری کے سر پر چھت ہو۔ بندیل کھنڈر کے ہیروز کا ذکر کرتے ہوئے وزیر دفاع نے کہا کہ یہ میری خوش قسمتی ہے کہ اس سرزمین سے ریلی کو خطاب کررہا ہوں۔یہ جانبازوں کی ایسی سرزمین ہے جہاں ہرایک ہندوستان کو ایک بار ضرور آنا چاہئے ۔ میں تو گذشتہ 33دنوں سے تین بار آیا ہوں لیکن اب کی بار آپ کے درشن کرنے آیا ہوں۔ بی جے پی جھوٹ اور لوگوں کی آنکھوں میں دھول جھونک کر سیاست نہیں کرتی ہے ۔بی جے پی عوام سے آنکھوں میں آنکھیں ڈال کرسیاست کرنا چاہتی ہے ۔ اشفاق اللہ خان،ٹھاکر روشن سنگھ و پنڈت رام پرساد بسمل کو یاد کرتے ہوئے کہا کہ جب اشفاق کو انگریزوں کے قتل کے بدلے پھانسی دی جارہی تھی تو انہوں نے اپنی آخری خواہش میں کہا تھا کہ ماں کو مطلع کردو کہ میں پھانسی کے ساتھ شادی کرنے جارہا ہوں۔