کووڈ گائیڈ لائنوں پر عمل نہ کرنے والوں کے خلاف کارروائی کی جائے / لیفٹنٹ گورنر
سرینگر/18دسمبر// جموںکشمیر میں کووڈ19کی وجہ سے اموات کے واقعات پھر سے بڑھنے لگے ہیں جبکہ کووڈ کے مثبت معاملات میں بھی اضافہ دیکھنے کو مل رہا ہے اس صورتحال کو مد نظر رکھتے ہوئے جموں کشمیر کے لیفٹیننٹ گورنر منوج سنہا نے انتظامیہ کو ہدایت دی ہے کہ جوبھی کووڈ گائڈ لائنوںکی خلاف ورزی کامرتکب پایا جائے گا اس کے خلاف سخت کارروائی عمل میں لائی جائے ۔ کرنٹ نیوز آف انڈیا کے مطابق جموں کشمیر میں کوروناوائرس کے مثبت معاملات میں اضافہ ہورہا ہے جبکہ کوروناسے مرنے والوں کی تعداد بھی بڑھ رہی ہے اس صورتحال کے پیش نظرلیفٹیننٹ گورنر منوج سنہا نے محکمہ کے افسران کے ساتھ ریاست میں کورونا کے تعلق سے میٹنگ کی۔ انہوں نے کہا کہ کورونا قوانین کی خلاف ورزی کرنے والوں کے خلاف کارروائی کی جائے۔سول اور پولیس انتظامیہ کو ریاست میں کووڈ پروٹوکول کی خلاف ورزی کرنے والوں کے خلاف سختی بڑھانی چاہیے۔ یہ ہدایات لیفٹیننٹ گورنر منوج سنہا نے جمعہ کو محکمہ کے افسران کے ساتھ میٹنگ کے دوران جاری کیں۔ انہوں نے کووڈ مینجمنٹ کا جائزہ لیا اور دیگر ضروری ہدایات جاری کیں۔لیفٹیننٹ گورنر منوج سنہا نے کہا کہ دنیا بھر میں کووڈ کے اومیکرون ویرینٹ کے معاملات کو دیکھتے ہوئے انفیکشن کو روکنے کے لیے سخت اقدامات کرنے کی ضرورت ہے۔ انہوں نے کہا کہ ضلعی انتظامیہ کو متعلقہ اضلاع میں کووڈ کے رجحان کا تجزیہ کرنا چاہئے اور ایک موثر حکمت عملی پر عمل کرتے ہوئے انفیکشن میں اضافے کی وجوہات کی نشاندہی کرنی چاہئے۔اس کے لیے آر ٹی پی سی آر ٹیسٹنگ اور تیز رفتار ویکسی نیشن مہم کو اولین ترجیح دی جانی چاہیے۔ محکمہ صحت اس بات کو یقینی بنائے کہ ہر مریض کو صحت گولڈن کارڈ کا فائدہ ملے۔ جموں و کشمیر انتظامیہ کا مقصد سب کو ان کے مالیاتی دباو¿ کے بغیر بہترین طبی دیکھ بھال فراہم کرنا ہے۔ صحت کے گولڈن کارڈز کی کم تعداد والے اضلاع میں 100% سیچوریشن کو یقینی بنایا جائے۔