حکومت پارلیمنٹ میں ہر موضوع پر بحث کیلئے تیار :وزیر اعظم

نئی دہلی(یو این آئی) وزیر اعظم نریندر مودی نے پارلیمنٹ کے سرمائی اجلاس کے آغاز سے قبل دونوں ایوانوں میں بحث کرتے ہوئے اور حکومت سے سوال پوچھتے ہوئے مہذب طرز عمل اختیار کرنے کی اپیل کی اور کہا کہ حکومت پارلیمنٹ میں ہر موضوع پر بحث کے لئے تیار ہے ۔ پارلیمنٹ کی کارروائی سے ٹھیک پہلے نامہ نگاروں کے ساتھ روایتی بات چیت میں وزیر اعظم مودی نے کہا“حکومت پارلیمنٹ میں ہر موضوع پر بحث کے لیے تیار ہے ، کھلی بحث کے لیے تیار ہے ۔” وزیراعظم نے کہا کہ ہم پارلیمنٹ میں ایسا طرز عمل اختیار کریں جو مستقبل میں نوجوانوں کے لیے کارآمد ہو۔ انہوں نے کہا کہ پارلیمنٹ میں بھی سوالات اٹھائے جائیں لیکن سکون کے ساتھ۔ انہوں نے کہا کہ سوالات بھی اور امن وامان بھی رہے ”۔ انہوں نے کہا کہ اپوزیشن کو حکومت پر تنقید کا پورا حق ہے تاہم ایوان کا وقار برقرار رکھنا ضروری ہے ۔ انہوں نے کہا کہ حکومت پر کڑی تنقید ہونی چاہیے لیکن اسپیکر اور پارلیمنٹ کا وقار بھی برقرار رہنا چاہیے ۔ کورونا کے خطرے کے بارے میں خبردار کرتے ہوئے مسٹر مودی نے کہا کہ کورونا سے بچا¶ کے لیے مسلسل احتیاطی تدابیر اختیار کرنا ضروری ہے ۔ وزیراعظم نے امید ظاہر کی کہ پارلیمنٹ کا سرمائی اجلاس ملک کی ترقی کے نقطہ نظر سے نتیجہ خیز ثابت ہوگا۔ ہم بات چیت کے ذریعے ملک کی ترقی کا راستہ تلاش کریں گے ۔ پارلیمنٹ میں اچھے کام کرنے پر پارلیمنٹ کو تسلیم کیا جائے گا، نہ کہ یوان میں ہنگامہ آرائی ہونے پر۔