ملک میں 3کروڑ45 لاکھ کورونا متاثرین، 4لاکھ 65 ہزار ہلاکتیں

نئی دہلی(یو این آئی) کورونا وائرس کے کیسز میں گراوٹ کے درمیان گزشتہ 24 گھنٹوں کے دوران ملک کے مختلف حصوں میں 12 ہزار سے زیادہ لوگوں نے اس جان لیوا وبا کو شکست دی۔ ہفتہ کو ملک میں 67 لاکھ 25 ہزار 970 افراد کو کورونا سے بچا¶ کے ٹیکے لگائے گئے اور اب تک ایک ارب 16 کروڑ 50 لاکھ 55 ہزار 210 افراد کو ویکسین لگائی جا چکی ہے ۔ اتوار کی صبح مرکزی وزارت صحت کی طرف سے جاری کردہ تازہ ترین اعداد و شمار کے مطابق گزشتہ 24 گھنٹوں میں کورونا وائرس کے 10 ہزار 488 نئے کیسز سامنے آنے کے بعد ملک میں متاثرین کی مجموعی تعداد بڑھ کر تین کروڑ 45 لاکھ 10 ہزار 413 ہو گئی ہے ۔ اس دوران 12 ہزار 329 مریض صحت یاب ہوچکے ہیں اور اس کے ساتھ ہی اس وبا کو شکست دینے والوں کی تعداد تین کروڑ 39 لاکھ 22 ہزار 37 ہوگئی ہے ۔
ملک میں کورونا وائرس کے ایکٹیو کیسز 2154 سے گھٹ کر 122714 پر رہ گئے ہیں۔ اس دوران 313 مریضوں کی موت کے بعد ہلاک شدگان کی مجموعی تعداد چار لاکھ 65 ہزار 662 ہو گئی ہے ۔ ملک میں ایکٹیو کیسز کی شرح 0.36 فیصد، صحت یابی کی شرح 98.30 فیصد اور اموات کی شرح 1.35 فیصد ہے ۔ کیرالہ کورونا وائرس کے ایکٹیو کیسز کے لحاظ سے ملک میں پہلے نمبر پر ہے ، جہاں ایکٹیو کیسز 334 عدد سے گھٹ کر 61,647 پر رہ گئے ہیں۔ ریاست میں 6,161 مریضوں کے صحت یاب ہونے کے ساتھ ہی کورونا سے شفایاب مریضوں کی تعداد بڑھ کر 49,96,978 ہو گئی ہے ۔ اسی عرصے میں 248 مریضوں کی موت کے ساتھ مرنے والوں کی مجموعی تعداد بڑھ کر 37,299 ہو گئی ہے ۔ مہاراشٹر میں جان لیوا کورونا وائرس کے ایکٹیو کیسز 1,453 سے گھٹ کر 13,903 رہ گئے ہیں جبکہ مزید 15 مریضوں کی موت سے مرنے والوں کی تعداد بڑھ کر 140722 ہو گئی ہے ۔ اس کے ساتھ ہی کورونا سے شفایاب ہونے والوں کی تعداد بڑھ کر 6474952 ہو گئی ہے ۔ دہلی میں میں کورونا وائرس کے ایکٹیو کیسز کی تعداد 325 ہے اور صحت یاب ہونے والوں کی تعداد 1415217 تک پہنچ گئی ہے ۔ قومی راجدھانی میں کوئی جانی نقصان نہ ہونے کی وجہ سے مرنے والوں کی تعداد 25,095 پر مستحکم ہے ۔