لیفٹیننٹ گورنر سنہا نے ایس ایم وی ڈی آئی ایم ای کے لیے 50 ایم بی بی ایس سیٹوں کی منظوری کے لیے  وزیراعظم مودی  اور  وزحر صح جے پی نڈا کا شکریہ ادا کیا

 سرینگر۔/جموں وکشمیر کےلیفٹیننٹ گورنر منوج سنہا نے پیر کو وزیر اعظم نریندر مودی اور صحت اور خاندانی بہبود کے مرکزی وزیر جے پی نڈا سے نئے قائم کردہ شری ماتا ویشنو دیوی انسٹی ٹیوٹ آف میڈیکل ایکسی لینس  کے لیے 50   ایم بی بی ایسنشستوں کی منظوری کے لیے اظہار تشکر کیا۔ ایکس پر ایک پوسٹ میں،  ایل جی کے دفتر نے لکھا، عزت مآب وزیر اعظم جناب نریندر مودی جی اور صحت اور خاندانی بہبود کے مرکزی وزیر جناب جے پی نڈا جی کا نئے قائم کردہ شری ماتا ویشنو دیوی انسٹی ٹیوٹ آف میڈیکل ایکسیلنس  کے لیے 50  ایم بی بی ایس نشستوں کی منظوری کے لیے شکرگزار ہوں۔ایل جی سنہا نے کہا، شرائن بورڈ نے 19 اگست 2023 کو منعقدہ اپنی 71ویں میٹنگ میں ککریال میں 50 سیٹوں کے میڈیکل کالج کے قیام کے لیے اصولی منظوری دی تھی۔انہوں نے کہا، یہ فیصلہ نہ صرف شری ماتا ویشنو دیوی شرائن بورڈ کے جموں و کشمیر میں عالمی معیار کی طبی تعلیم فراہم کرنے کے عزم کو پورا کرتا ہے بلکہ صحت کی دیکھ بھال تک رسائی کو بہتر بنانے، انتہائی ہنر مند طبی پیشہ ور افراد کو پسماندہ علاقوں میں بڑھانے کے ہمارے مقاصد کو بھی پورا کرتا ہے۔انہوں نے ایک پوسٹ میں مزید کہا، ہمارا مقصد ایم بی بی ایس کے خواہشمندوں کی یو ٹی میں تعلیم حاصل کرنے میں مدد کرنا ہے اور ہم نے پچھلے کچھ سالوں میں ایم بی بی ایس کی نشستوں میں اضافہ کرکے اس شعبے میں اہم پیش رفت کی ہے۔ یہ کامیابیاں خصوصی دیکھ بھال تک زیادہ رسائی کو یقینی بنائیں گی اور صحت کی دیکھ بھال کے ایک مضبوط نظام کی تعمیر کریں گی۔