جموں کشمیر کے لیفٹیننٹ گورنر نے کشتواڑ میں امدادی کارروائیوں کا جائزہ لیا

متاثرہ کنبوں کی بھر پور مدد کرنے اور تباہ شدہ مکانات کی تعمیر نو کو یقینی بنانے کی یقین دہانی کرائی
سرینگر/16اگست/وی او آئی//کشتواڑ میں بادل پھٹنے کے سانحے کے بعد لیفٹیننٹ گورنر منوج سنہا نے ہفتے کے روز امدادی کارروائیوں کا جائزہ لیا اور متاثرہ خاندانوں کو یقین دہانی کرائی کہ ان کے تباہ شدہ مکانات کی تعمیر نو یقینی بنائی جائے گی۔ انہوں نے چیسوٹی گاو¿ں میں جاری ریسکیو اور ریلیف آپریشنز کا بغور مشاہدہ کیا اور متعلقہ افسران کو ہدایت دی کہ متاثرہ افراد کو ضروری اشیاءکی فراہمی میں کوئی رکاوٹ نہ آئے۔لیفٹیننٹ گورنر نے ایک سوشل میڈیا پیغام میں کہا، "چیسوٹی، کشتواڑ میں ریسکیو اور ریلیف آپریشنز کا جائزہ لیا۔ میں اس بات کو یقینی بناو¿ں گا کہ طغیانی سے متاثرہ مکانات کی تعمیر نو کی جائے۔یاد رہے کہ 14 اگست کو دوپہر 12 بج کر 25 منٹ پر چیسوٹی گاو¿ں میں شدید بارش کے بعد بادل پھٹنے کا واقعہ پیش آیا، جس کے نتیجے میں 60 افراد جاں بحق اور 100 سے زائد زخمی ہوئے۔ یہ گاو¿ں ماچھیل ماتا مندر کی جانب جانے والے راستے کا آخری موٹر ایبل مقام ہے۔ طغیانی نے یاترا کے لیے قائم عارضی بازار، کمیونٹی کچن اور سیکیورٹی چوکی کو مکمل طور پر تباہ کر دیا۔اس سانحے میں کم از کم 16 رہائشی مکانات اور سرکاری عمارتیں، تین مندر، چار آبی چکیاں، 30 میٹر طویل پل اور درجنوں گاڑیاں بھی شدید متاثر ہوئیں۔ لیفٹیننٹ گورنر کا دورہ متاثرہ عوام کے لیے نہ صرف حوصلہ افزا پیغام ہے بلکہ حکومت کی جانب سے عملی اقدامات کی نوید بھی ہے۔