مرکزی وزیر زراعت جناب شیوراج سنگھ چوہان نے وزیر اعظم کا نعرہ دہرایا

 شہریوں سے اندرونِ ملک تیار مصنوعات استعمال کرنے کی اپیل کی
نئی دہلی۔ 3؍ اگست ۔ ایم این این۔زراعت، کاشتکاروں کی بہبود اور دیہی ترقی کے مرکزی وزیر جناب شیوراج سنگھ چوہان نے آج ایک مرتبہ پھر وزیر اعظم کے نعرے کو دہراتے ہوئے شہریوں سے ملک کے اندر بنی مصنوعات خریدنے کی اپیل کی۔ وزیر اعظم جناب نریندر مودی نے 2 اگست 2025 کو وارانسی میں پی ایم-کسان سمان ندھی کی 20ویں قسط کی تقسیم کے دوران، قوم سے دیسی مصنوعات خریدنے کی اپیل کی تھی۔ معیشت کو مضبوط بنانے کے لیے حکومت کے عزم کا اعادہ کرتے ہوئے، مرکزی وزیر زراعت نے آج وزیر اعظم کی اپیل کو دہرایا اور، ایک سرکاری بیان کے توسط سے کہا:پیارے بہنوں اور بھائیوں — بھانجیوں اور بھانجوں، ہر کوئی اپنے لیے جیتا ہے — حشرات، پرندے اور جانور۔ لیکن صرف اپنے لیے جینے کا کیا فائدہ؟ ہمیں اپنے ملک کے لیے جینا چاہیے۔ قوم کے لیے جینا وہی ہے جو کل وزیر اعظم نے ہمیں سکھایا۔ انہوں نے ہم سے اپیل کی کہ اپنے گھروں کے لیے صرف وہی مصنوعات خریدیں جو ہمارے اپنے ملک میں بنتی ہیں۔پیارے بہنوں اور بھائیوں، چاہے کوئی چیز آپ کے گاؤں میں بنی ہو، کسی قریبی شہر میں، آپ کے ضلع میں، آپ کی ریاست میں، یا ہمارے ملک میں کہیں بھی، صرف وہی چیزیں خریدیں۔ ہندوستانی معیشت تیزی سے ترقی کر رہی ہے۔ آج ہم دنیا میں چوتھے نمبر پر ہیں اور بہت جلد تیسرے نمبر پر پہنچ جائیں گے۔ اور 1.44 بلین لوگوں کی یہ قوم ایک بہت بڑی مارکیٹ ہے۔ اگر ہم صرف اپنے ملک میں بنی ہوئی چیزیں خریدنے اور استعمال کرنے کا عزم کرتے ہیں، تو ہمارے کاشتکار، ہمارے چھوٹے پیمانے پر پروڈیوسرز، سیلف ہیلپ گروپس، اور مقامی کاریگر- سبھی اپنی آمدنی میں اضافہ دیکھیں گے۔ اور جب ان کی کمائی بڑھے گی تو ہماری معیشت مضبوط ہو گی۔ہمارا پیسہ بیرون ملک کیوں جائے؟ یہ ہمارے اپنے بچوں کو ہی روزی روٹی فراہم کرے۔ میں اپنے ملک کے لیے جیوں گا، اور آپ کو بھی ملک کے لیے جینا چاہیے… جس کا مطلب ہے، صرف وہ مصنوعات خریدیں جو ہندوستان میں بنی ہوں۔ شکریہ!”