وزیراعظم مودی نے پوپ لیو کو نیک خواہشات کا اظہار کیا

 ہولی سی کے ساتھ بات چیت جاری رکھنے کے لیے ہندوستان کے عزم کا اظہار کیا
نئی دہلی ۔ 9؍مئی۔ ایم این این۔ وزیر اعظم نریندر مودی نے پوپ لیو XIV کو نیک خواہشات کا اظہار کیا ہے اور مشترکہ اقدار کو مزید آگے بڑھانے کے لئے ہولی سی کے ساتھ مسلسل بات چیت اور مشغولیت کے لئے ہندوستان کے عزم کا اظہار کیا ہے۔ انہوں نے نوٹ کیا کہ کیتھولک چرچ کے پوپ لیو XIV کی قیادت امن، ہم آہنگی، یکجہتی اور خدمت کے نظریات کو آگے بڑھانے میں گہری اہمیت کے ایک لمحے پر آتی ہے۔ جمعرات کو ویٹیکن کنکلیو نے ایک نئے پوپ کا انتخاب کیا۔ ویٹیکن  نیوز نے بتایا کہ  کارڈینل رابرٹ پریوسٹ  جو پہلے امریکی پوپ ہیں  کو 267 ویں پوپ کے طور پر منتخب کیا گیا  جنہوں نے پوپ لیو XIV کا نام لیا۔ پوپ لیو XIV رومن کیتھولک چرچ کے 267 ویں پوپ بن گئے۔ وہ کیتھولک چرچ کی قیادت کرنے والے پہلے امریکی ہیں۔ کارڈینل پروٹوڈیکن ڈومینیک ممبرٹی، سینئر کارڈینل ڈیکن سینٹ پیٹر کی بالکونی میں نمودار ہوئے جو سینٹ پیٹرز اسکوائر کو دیکھتا ہے اور اعلان کیا، "ہیبیمس پاپام!”ہمارے پاس ایک پوپ ہے۔ ویٹیکن میں بالکونی کے دروازے نئے پوپ کو ظاہر کرنے کے لیے کھولے گئے جنہوں نے ہجوم کا استقبال کیا  اور کہا کہ "آپ سب کے ساتھ سلامتی ہو۔