جموں: اپنی پارٹی نے جموں کے گاندھی نگر میں واقع پارٹی آفس پر آج چھٹے یوم تاسیس کی تقریب منائی۔ اس موقعے پر پارٹی کے سینئر نائب صدر غلام حسن میر نے پارٹی رہنماوں کے ایک اجلاس کی صدارت کی۔
اس سلسلے میں موصولہ بیان کے مطابق غلام حسن میر نے یوم تاسیس پر پارٹی لیڈران اور کارکنان کو مبارکباد دیتے ہوئے کہا کہ انہوں نے پارٹی کے قیام سے اب تک محنت اور استقلال کے ساتھ کام کیا اور پارٹی کو مضبوط بنانے میں ایک اہم کردار ادا کیا۔
تقریب سے خطاب کرتے ہوئے انہوں نے کہا، ’’آج جبکہ ہم اپنی پارٹی کا چھٹا یومِ تاسیس منارہے ہیں، میں تہہ دل سے آپ سب کو مبارکباد دینا چاہتا ہوں کیونکہ آپ نے اس عرصے کے دوران محبنت اور استقلال کے ساتھ کام کیا اور اس پارٹی کو مضبوط سے مضبوط تر بنانے میں ایک کلیدی کردار ادا کیا۔ ناموافق حالات کے باوجود پارٹی نے بہت کم عرصے میں بھر پور عوامی پذیرائی حاصل کی اور بہت کچھ حاصل کیا۔‘‘
انہوں نے مزید کہا، ’’انتخابات کے دوران اپنی پارٹی سیاسی حریفوں کے جھوٹے پروپگنڈے اور نقصاندہ مہم کا شکار بنی۔ تاہم ہمیں اس بات کی خوشی ہے کہ اپنی پارٹی کو جموں کشمیر کے ہر علاقے میں عوام کی حمائت اور پذیرائی حاصل ہے۔ پارٹی کو مزید مضبوط بنانے میں ہمیں تسلسل کے ساتھ اپنی محنت جاری رکھنی ہوگی۔‘‘
اس موقعے پر غلام حسن میر کے علاوہ پارٹی کے جو سرکردہ لیڈران موجود تھے، اُن میں محمد دلاور میر، وجے بکایا، منجیت سنگھ، عبدالمجید پڈر، فقیر ناتھ، ارن چھبر، سلیم عالم، اعجاز کاظمی، بگھت رام، ہرپیت سنگھ، پشیو دیو اُپال، ہنس راج ڈوگرہ، رقیق خان، ابھے بکایا، پونیت کور، وابھیو متو، نیلم گُپتا، شیکھا بردواج، دیوندر گل، بلبیر سنگھ، شیوم چودھری، اندر پال سنگھ، دیوانش شرما، شیخ لطیف، راج شرما، انیرودھ واسشت، شیتل شرما، چاند جی بٹ، گرداری لال پنڈتا، اشوک بھٹ، پون کول، دیوندر گل اور دیگر لیڈران شامل تھے۔
