نوابازار اور آلوچی باغ میں 4رہائشی مکانات خاکستر ، لاکھوں کا نقصان
سرینگر//سرینگر میں دو الگ الگ آگ کی وارداتوں میں 4رہائشی مکانات خاکستر ہوئے ہیں جس کے نتیجے میں مکانوں میںتمام مال و اسباب تبادہ ہوگیا ہے اور متعدد کنبے کھلنے آسمان تلے زندگی گزارنے پر مجبور ہوگئے ہیں ۔ وائس آف انڈیا کے مطابق سرینگر شہر کے سونر کول نواب بازار علاقے میں اتوار کی صبح ایک مکان سے آگ نمودار ہوئی جس نے آنا فاناً آس پاس کے دیگر مکانات کو اپنی لپیٹ میں لے لیا اور جب تک محکمہ فائر اینڈ ایمرجنسی عملہ نے آگ بجھانے کی کارروائی شروع کی تب تک تین مکانات اس کی لپیٹ میں آچکے تھے ۔ محکمہ فائر اینڈ ایمرجنسی کے ایک عہدیدار نے بتایا کہ اتوار کی صبح سات بجے اس آتشزدگی کے متعلق اطلاع موصول ہوتے ہی 8 فائر ٹنڈرس کو جائے واردات کی طرف روانہ کیا گیا جنہوں نے آگ کو قابو میں کرکے مزید پھیلنے سے روکا۔انہوں نے کہا کہ اس واردات میں تین رہائشی مکانوں کو نقصان پہنچا تام کسی جانی نقصان کی کوئی اطلاع نہیں ہے۔جبکہ آگ کی وجہ سے مکانات میں قیمتی سامان، الیٹرانک، زیورات نقدی ، برتن اور دیگر ضروریات زندگی سے جڑی اشیاءراکھ کے ڈھیر میں تبدیل ہوگئی ۔ اور کئی کنے کھلے آسمان تلے زندگی گزارنے پر مجبور ہوگئے ہیں ۔ دریں اثناءسرینگر شہر کے ہی ایک اور علاقہ آلوچی باغ میں اتوار کو ایک آگ کی واردات میں ایک رہائشی مکان خاکستر ہوا ہے ۔ تاہم ان کا کہنا ہے کہ آگ لگنے کی وجوہات معلوم کی جا رہی ہیں۔دریں اثنا اتوار بعد دوپہر سری نگر کے آلوچی باغ علاقے میں آگ کی ایک فائر اینڈ ایمرجنسی عملے کی بروقت کارروائی کے نتیجے میں آگ کو مزید پھیلنے سے روک دیا گیا۔آگ کی وجہ سے لاکھوں روپے املاک کی تباہ ہوگئی ۔ واضح رہے کہ سرینگر کے جمالٹہ نوہٹہ علاقے میں گزشتہ روز اسی طرح کی ایک بھیانک آگ کی واردات میں متعدد مکانات اور ایک شاپنگ کمپلیکس خاکستر ہوگئے تھے ۔ یہاں یہ بات قابل ذکر ہے کہ سرینگر میں آگ کی وارداتیں بڑھ رہی ہیں۔
