بھارت نےتیسری نسل کے اینٹی ٹینک میزائل ’ناگ ایم کے 2‘ کا کامیاب تجربہ  کیا

نئی دلی/۔ہندوستان نے مقامی طور پر تیار کردہ تھرڈ جنریشن کے اینٹی ٹینک گائیڈڈ میزائل  ‘ناگ مارک 2‘یا ناگ ایم کے 2 کا فیلڈ ٹیسٹ کامیابی کے ساتھ کیا۔ وزارت دفاع کے مطابق، یہ تیسری نسل کا  ‘اینٹی ٹینک فائر اینڈ فارگیٹ گائیڈڈ میزائل’ ہے۔ڈیفنس ریسرچ اینڈ ڈیولپمنٹ آرگنائزیشن  نے یہ ٹرائل پوکھران فیلڈ رینج میں ہندوستانی فوج کے سینئر افسران کی موجودگی میں کئے۔ آزمائشوں کے دوران، میزائل نے زیادہ سے زیادہ اور کم سے کم رینج کے اہداف کو درست طریقے سے تباہ کرتے ہوئے، اپنی فائرنگ کی صلاحیتوں کو درست ثابت کرتے ہوئے اپنی درستگی کا مظاہرہ کیا۔دفاعی ماہرین نے بتایا کہ ٹیسٹ کے دوران ‘ ناگ میزائل کیریئر’ )ورژن 2) کا بھی جائزہ لیا گیا۔ ان کامیاب آزمائشوں کے ساتھ، ہتھیاروں کا مکمل نظام اب ہندوستانی فوج میں شامل ہونے کے لیے تیار ہے۔ ڈی  آر ڈی او کے تیار کردہ، ناگ مارک 2 میزائل کو خاص طور پر جدید بکتر بند خطرات کا مقابلہ کرنے کے لیے ڈیزائن کیا گیا ہے۔ اس کی فائر اینڈ فرجٹ ٹیکنالوجی آپریٹرز کو لانچ سے پہلے اہداف کو لاک کرنے کی اجازت دیتی ہے، یہاں تک کہ میدان جنگ کے پیچیدہ ماحول میں بھی عین مطابق حملوں کو یقینی بناتی ہے۔ ٹرائلز کے بعد، مرکزی وزیر دفاع، راج ناتھ سنگھ نے ڈی آر ڈی او، ہندوستانی فوج اور صنعت کو ناگ ایم کے 2 کے پورے ہتھیاروں کے نظام کے کامیاب فیلڈ ایویلیویشن ٹرائلز کے لیے مبارکباد دی۔وزارت نے کہا کہ میزائل ٹرائلز کے ساتھ ساتھ ناگ میزائل کیریئر (NAMICA) ورژن 2 کا بھی فیلڈ ایویلیوشنز کامیابی کے ساتھ کیا گیا، جو مکمل ہتھیاروں کے نظام کو چلانے میں ایک اہم سنگ میل ہے۔ ناگ ایم کے 2 میزائل کی تیسری نسل کی فائر اینڈ فارگیٹ ٹیکنالوجی کی اہم خصوصیت لانچ کے بعد آپریٹر کی کم سے کم مداخلت کے ساتھ درست ہدف کو نشانہ بنانے کی اجازت دیتی ہے۔