ہمارے سابق فوجی ہیرو ہیں  اور حب الوطنی کی زندہ  علامتیں  ہیں۔ وزیر اعظم

 نئی دلی۔/۔ہماری قوم کی حفاظت کے لیے اپنی زندگیاں وقف کرنے والی بہادر خواتین اور مردوں کا شکریہ ادا کرتے ہوئے، وزیر اعظم نے آج مسلح افواج کے سابق فوجیوں کے دن کے موقع پر تبصرہ کیا  کہ ہمارے سابق فوجی ہیرو اور حب الوطنی کی زندہ علامتیں  ہیں ۔ایکس پر ایک پوسٹ میں انھوں نے لکھا:مسلح افواج کے سابق فوجیوں کے دن پر، ہم ان بہادر خواتین اور مردوں کا شکریہ ادا کرتے ہیں جنہوں نے ہمارے ملک کی حفاظت کے لیے اپنی زندگیاں وقف کر دیں۔ ان کی قربانیاں، حوصلے اور فرض کے لیے غیر متزلزل عزم مثالی ہیں ۔ ہمارے سابق فوجی ہیرو  اور حب الوطنی کی زندہ علامتیں ہیں۔ ہماری حکومت  ایسی ہے جس نے ہمیشہ سابق فوجیوں کی فلاح و بہبود کے لیے کام کیا ہے اور ہم آنے والے وقتوں میں بھی ایسا کرتے رہیں گے۔  اس سے پہلے وزیر اعظم جناب نریندر مودی نے آج مکر سنکرانتی کے عظیم تہوار پر مہاکمبھ میں پہلے امرت اسنان میں حصہ لینے والے عقیدت مندوں کو مبارکباد دی۔مہاکمبھ کی جھلکیوں کا اشتراک کرتے ہوئے جناب مودی نے لکھا:مہا کمبھ میں عقیدت اور روحانیت کا ایک شاندار سنگم مکر سنکرانتی کے عظیم تہوار پر مہاکمبھ میں پہلے امرت اسنان میں حصہ لینے والے تمام عقیدت مندوں کو دل کی گہرائیوں سے مبارکباد۔