اگر انڈیا بلاک صرف پارلیمانی انتخابات کےلئے تھا تو اسے ختم کرنا بہتر ہے: عمر عبداللہ

 یہ اتحاد جاری رہے گا یا نہیں، یہ ا بھی واضح نہیں
ہمیں یہ سمجھنے کی ضرورت ہے کہ ہم UTمیںکس طرح کام کرنے جا رہے ہیں:وزیراعلیٰ
سری نگر/ یہ کہتے ہوئے کہ ہندوستانی بلاک کےساتھ کوئی وقت کی حد متعین نہیں ہے، جموں و کشمیر کے وزیر اعلیٰ عمر عبداللہ نے جمعرات کو انڈیا بلاک کی قیادت اور ایجنڈے کے بارے میں وضاحت کے فقدان پر مایوسی کا اظہار کرتے ہوئے کہا کہ اگر یہ اتحاد صرف پارلیمانی انتخابات کےلئے تھا تو اسے ختم کر دینا چاہیے۔ عمرعبداللہ نے کہا کہ عام آدمی پارٹی ، کانگریس، اور زمین پر موجود دیگر سیاسی جماعتیں فیصلہ کریں گی کہ کس طرح مو ¿ثر طریقے سے بھارتیہ جنتا پارٹی کا مقابلہ کیا جائے۔جے کے این ایس کے مطابق وزیر اعلیٰ عمر عبداللہ نے جموں میں قانون ساز اسمبلی کمپلیکس کے سنٹرل ہال میں ریاستی قانون ساز اسمبلی کے زیر اہتمامMLAsکےلئے منعقدہ واقفیت پروگرام سے خطاب کے بعد کمپلیکس کے باہر موجود نامہ نگاروں سے بات کرتے ہوئے کہاکہ دہلی میں اسمبلی انتخابات کے بعد، انڈیا بلاک کوتمام اتحاد ی اراکین کو میٹنگ کے لئے بلانا چاہیے۔انہوںنے دہلی اسمبلی انتخابات کے پیش نظر عام آدمی پارٹی اور کانگریس کے درمیان گرما گرم سیاسی بحث پر ردعمل ظاہرکرتے ہوئے کہاکہ اگر یہ اتحاد صرف پارلیمانی انتخابات کےلئے تھا تو اسے ختم کر دینا چاہیے، ہم الگ الگ کام کریں گے۔ لیکن اگر انڈیا بلاک کا مقصد اسمبلی انتخابات کے لئے بھی ہے تو ہمیں ایک ساتھ بیٹھ کر اجتماعی طور پر کام کرنا ہوگا ۔ عمر عبداللہ، آر جے ڈی لیڈر تیجسوی یادﺅکے اس بیان کے بارے میں پوچھے گئے سوال کا جواب دے رہے تھے کہ انڈیا بلاک صرف لوک سبھا انتخابات کے لیے ہے۔ انہوں نے کہاکہ جہاں تک مجھے یاد ہے، اس کے لئے کوئی وقت کی حد مقرر نہیں کی گئی تھی۔تاہم عمرعبداللہ نے سوالیہ اندازمیں کہاکہ مسئلہ یہ ہے کہ ہندوستانی بلاک کا کوئی اجلاس نہیں بلایا جا رہا ہے ۔یہ دعوی کرتے ہوئے کہ مرکزی قیادت، پارٹی، یا مستقبل کی حکمت عملی (انڈیا بلاک میں) کے ایجنڈے کے بارے میں کوئی وضاحت نہیں ہے،نیشنل کانفرنس کے نائب صدرعمرعبداللہ نے کہاکہ یہ اتحاد جاری رہے گا یا نہیں، یہ بھی واضح نہیں ہے۔عمرعبداللہ نے یہ بھی کہا کہ شاید دہلی کے انتخابات کے بعد انڈیا بلاک کے ممبران کو میٹنگ کے لیے بلایا جائے گا، اور ایک وضاحت سامنے آئے گی۔اگلے ماہ ہونے والے دہلی انتخابات سے قبل عام آدمی پارٹی کی حمایت میں اضافے کے بارے میں ایک اور سوال کا جواب دیتے ہوئے عمر عبداللہ نے کہاکہ میں اس وقت اس بارے میں کچھ نہیں کہہ سکتا کیونکہ دہلی کے انتخابات سے ہمارا کوئی تعلق نہیں ہے۔ عام آدمی پارٹی، کانگریس اور زمین پر موجود دیگر سیاسی جماعتیں فیصلہ کریں گی کہ بی جے پی کا مضبوطی سے مقابلہ کیسے کیا جائے۔یہ بتاتے ہوئے کہ عام آدمی پارٹی دہلی میں پہلے دو بار کامیاب ہوئی تھی،عمر عبداللہ نے کہاکہ اس بار، ہمیں انتظار کرنا ہوگا اور دیکھنا ہوگا کہ دہلی کے لوگ کیا فیصلہ کرتے ہیں۔جموں و کشمیر اسمبلی نے جمعرات کو جموں میں نو منتخب قانون سازوں کے لئے ایک اورینٹیشن پروگرام منعقد کیا۔عمر عبداللہ نے یہاں خطاب کرتے ہوئے کہاکہ ہم میں سے بہت سے لوگ پہلے بھی اس ایوان کے رکن رہ چکے ہیں، لیکن یہ تب تھا جب جموں و کشمیر ایک ریاست تھی۔ آج کا نظام مختلف ہے۔ انہوںنے کہاکہ ہمیں یہ سمجھنے کی ضرورت ہے کہ ہم کس طرح کام کرنے جا رہے ہیں اور اس اسمبلی کے اختیارات کیا ہیں۔وزیر اعلیٰ عمر عبداللہ نے یہ بھی کہا کہ اس نظام کے طریقہ کار سے سب کو واقف کرانے کے لیے اسپیکر نے اورینٹیشن یعنی واقفیت پروگرام کا انعقاد کیا ہے۔راجیہ سبھا کے ڈپٹی چیئرمین نے بھی اس مشق میں حصہ لیا۔عمر عبداللہ نے کہاکہ مجھے یقین ہے کہ سینئر ممبران کا تجربہ فائدہ مند ثابت ہوگا۔ آنے والے اجلاسوں میں ایم ایل اے عوام کی بہتر نمائندگی کریں گے اور ان کے مسائل کو مو ¿ثر طریقے سے اٹھائیں گے۔