کشمیری پنڈت ہماری ثقافت کا لازمی حصہ ۔ نائب وزیر اعلیٰ

جگتی نگروٹہ میں کشمیری پنڈت برادری کے شہریوں سے بات چیت کی
کشمیری مائیگرنٹ پنڈوں کی باوقار وادی واپسی کےلئے سرکار پُرعزم ۔ سریندر چودھری
سرینگر/نائب وزیر اعلیٰ نے اس بات کا عزم دہرایا کہ جموں کشمیر سرکار کشمیری مائیگرنٹ پنڈوں کی باوقار وادی واپسی کی متمنی ہے ۔ انہوںنے کہا کہ جموں کشمیر کی ثقافت اور تہذیب کشمیری پنڈتوں کے بغیر ادھوری ہے اور موجودہ سرکار ان کی بحالی کےلئے زمینی سطح پر اقدامات اُٹھائے گی ۔ ایک سرکاری بیان میں کہا گیا کہ نائب وزیر اعلی سریندر چودھری نے اس بات کی تصدیق کی کہ کشمیری پنڈت جموں و کشمیر کے ثقافتی اور سماجی تانے بانے کا ایک اٹوٹ حصہ ہیں اور حکومت ان کی باوقار بحالی کے لیے پرعزم ہے۔نائب وزیر اعلیٰ نے آج یہاں جگتی ٹاو¿ن شپ نگروٹہ کے دورے کے موقع پر ایک تقریب سے خطاب کرتے ہوئے ان باتوں کا اظہار کیا۔ڈپٹی سی ایم کے ساتھ ریلیف کمشنر (مائیگرنٹس)، ڈائریکٹر ہیلتھ سروسز جموں، ڈائریکٹر جنرل فلوریکلچر، ڈائرکٹر فوڈ سپلائیز جموں اور دیگر سینئر افسران بھی تھے۔اس موقع پر سریندر چودھری نے کشمیری پنڈتوں کے تحفظات کو دور کرنے اور ٹارگٹڈ اقدامات، مضبوط سپورٹ سسٹم اور مختلف فلاحی اسکیموں کے ذریعے ان کی فلاح و بہبود کو یقینی بنانے کے لیے حکومت کے عزم کا اعادہ کیا۔انہوں نے کہا کہ جگتی ٹاو¿ن شپ کے مکینوں اور کشمیری مائیگرنٹوںکے لیے مجموعی طور پر بہتر معیار زندگی فراہم کرنے کے لیے کوششیں تیز کی جا رہی ہیں اور ان کی بحالی کے لیے ہمارا عزم غیر متزلزل ہے۔نائب وزیر اعلیٰ نے افسران کو ہدایت دی کہ وہ کم سے کم وقت میں مکینوں کی شکایات کا ازالہ کریں۔اپنے دورے کے دوران انہوںنے ٹاو¿ن شپ کے رہائشیوں کے لیے دستیاب سہولیات کا جامع جائزہ لیا۔ انہوں نے صحت اور تعلیم کے بنیادی ڈھانچے کی صورتحال، پینے کے پانی کی دستیابی اور دیگر ضروری خدمات کا جائزہ لیا۔جگتی کے سب ڈسٹرکٹ ہسپتال (SDH) میں صحت کی دیکھ بھال کی خدمات کا تفصیلی معائنہ کرتے ہوئے، ڈپٹی سی ایم نے ڈائریکٹر ہیلتھ سروسز کو بلاتعطل اور اعلیٰ معیار کی طبی دیکھ بھال کی خدمات کو یقینی بنانے کی ہدایت کی۔ انہوں نے ہسپتال کے موجودہ انفراسٹرکچر کو اپ گریڈ کرنے کے علاوہ مریضوں کی ضروریات کو پورا کرنے کے لیے ادویات کی مناسب فراہمی پر بھی زور دیا۔