وزیر داخلہ امیت شاہ نے نئی دہلی میں سی آر پی ایف ہیڈ کوارٹر کا دورہ کیا

 نئی دلی/مرکزی وزیر داخلہ  جناب امت شاہ نے نئی دہلی میں سنٹرل ریزرو پولیس فورس (سی آر پی ایف) ہیڈ کوارٹر کا دورہ کیا۔ وزیر داخلہ نے فورس کے سینئر افسران سے ملاقات کی اور سی آر پی ایف کے آپریشنز اور انتظامی کارکردگی کا جامع جائزہ لیا۔ مرکزی داخلہ سکریٹری سمیت وزارت داخلہ  کے کئی سینئر افسران میٹنگ میں موجود تھے۔میٹنگ کے دوران، ڈائریکٹر جنرل، سی آر پی ایف، جناب انیش دیال سنگھ نے وزیر داخلہ کو فورس کے شہید جوانوں کے اہل خانہ کے لیے نافذ کی جانے والی مختلف فلاحی اسکیموں کے بارے میں آگاہ کیا، جس میں سی آر پی ایف میں ہمدردانہ تقرری بھی شامل ہے۔مرکزی وزیر داخلہ نے کہا کہ وزیر اعظم جناب نریندر مودی کی قیادت میں سی آر پی ایف ملک میں داخلی سلامتی اور امن کو یقینی بنانے میں اہم کردار ادا کر رہا ہے۔ جناب شاہ نے کہا کہ سی آر پی ایف نے نکسل ازم سے نمٹنے اور شمال مشرقی ریاستوں اور جموں و کشمیر میں امن و استحکام کو بحال کرنے میں قابل ستائش کام کیا ہے۔جناب امت شاہ نے لسانی اتحاد کو مضبوط کرنے کے لیے فورس کے روزانہ کام میں ہندی کو فروغ دینے کی اہمیت پر زور دیا۔ فوجیوں کی بہتر صحت کے لیے زیادہ سے زیاد ہ شری این(جوار) کے استعمال پر زور دینے کے ساتھ، وزیر داخلہ نے فوجیوں سے آیوروید کے فوائد حاصل کرنے اور صحت کے بارے میں بصیرت حاصل کرنے کے لیے ‘ پراکرت پرکشن ابھیان’ میں حصہ لینے پر زور دیا۔مرکزی وزیر داخلہ کا دورہ قومی سلامتی کے تئیں سی آر پی ایف کے عزم اور قوم کی تعمیر میں اس کے کثیر جہتی تعاون کو حکومت کی طرف سے تسلیم کرتا ہے۔