پچاس ہزار کانگریس کارکنان اور لیڈران کے شامل ہونے کا امکان
نئی دہلی: ۵۱ دسمبر ( ایجنسیز) کانگریس پارٹی نے مدھیہ پردیش میں بی جے پی قیادت میں ریاستی حکومت پر زبردست الزامات عائد کرکے بڑی تحریک شروع کرنے کی تیاری کرلی ہے۔ تحریک میں پچاس ہزار سے زائد کانگریس کارکنان اور لیڈران کے شامل ہونے کا امکان ہے۔ پولیس انتظامیہ نے بھی تحریک کے پیش نظر پوری تیاری کر لی ہے۔ دراصل کانگریس پارٹی کا الزام ہے کہ بی جے پی کی قیادت میں مدھیہ پردیش کی ریاستی حکومت اپنے انتخابی وعدے کی تکمیل میں پوری طرح ناکام ہو گئی ہے۔ حکومت کےخلاف تحریک کے ساتھ ساتھ کانگریس اسمبلی کے گھیراو¿ کی تیاری بھی کر چکی ہے۔ مدھیہ پردیش کانگریس کمیٹی کے ترجمان مکیش نائک نے بتایا کہ اسمبلی انتخاب 2023 میں بی جے پی نے اپنے انتخابی منشور میں کئی ایسے وعدے کیے تھے جو اب تک پورے نہیں ہوئے ہیں۔ کانگریس ترجمان نے ریاست کی خواتین سے کیے وعدے کی خلاف ورزی کے بارے میں بات کرتے ہوئے کہا کہ خواتین کو تین ہزار روپے ’لاڈلی بہن یوجنا‘ کے تحت دیے جانے تھے، لیکن بی جے پی نے خواتین سے کیے وعدے کو اب تک پورا نہیں کیا۔ ساتھ ہی بی جے پی نے ریاست کی عوام سے کئی ایسے وعدے کیے تھے جسے نئی حکومت کی تشکیل کے ایک سال بعد بھی پورا نہیں کیا۔ ان ہی سب ایشوز کے تحت کانگریس کمیٹی تحریک شروع کرنے جا رہی ہے۔ مکیش نائک نے تحریک کے بارے میں بتاتے ہوئے کہا کہ سوموار کو جواہر چوک پر دوپہر بارہ بجے تک کارکنان اور لیڈران جمع ہوں گے۔ اس کے بعد نئی اسمبلی کی طرف ریلی نکالی جائے گی۔‘
