’سہکار سے سمردھی‘ کے وژن کا مقصد کوآپریٹو اداروں کو خود کفیل اور مضبوط بنانا ہے۔ وزیراعظم

 نئی دلی/۔وزیر اعظم جناب نریندر مودی نے آج کہا کہ‘سہکار سے سمردھی’ کے وژن کا مقصد کوآپریٹو اداروں کو خودکفیل اور مضبوط بنانا ہے۔ جناب مودی نے کہا کہ جناب امت شاہ نے اپنے مضمون میں اس بات پر روشنی ڈالی ہے کہ کس طرح انتظامی اور پالیسی اصلاحات نے کوآپریٹو سیکٹرمیں پھر سے جان ڈالی ہے۔امور داخلہ اور امداد باہمی  کے مرکزی وزیر جناب امت شاہ کے ایکس پرکیے گئے ایک پوسٹ کا جواب دیتے ہوئے جناب مودی نے کہا ‘‘امور داخلہ اور امداد باہمی  کے مرکزی وزیر جناب @امت شاہ، اس بات پر روشنی ڈالتے ہیں کہ کس طرح انتظامی اور پالیسی اصلاحات نے کوآپریٹو سیکٹر میں پھر سے جان  ڈالی ہے۔ وہ اس بات پر زور دیتے ہیں کہ ‘سہکار سے سمردھی’ کے وژن کا مقصد کوآپریٹو اداروں کو خود کفیل اور مضبوط بنانا ہے۔