”پنڈت جواہر لال نہرو: جدید ہندوستان کا باپ اور جمہوریت کا محافظ“

مودی، کھڑگے -راہل-پرینکا نے نہرو کو ان کے 135ویں یوم پیدائش پر خراج عقیدت پیش کیا
نئی دہلی، وزیراعظم مودی، کانگریس صدر ملکارجن کھڑگے ، لوک سبھا میں اپوزیشن لیڈر راہل گاندھی اور کانگریس جنرل سکریٹری پرینکا گاندھی واڈرا نے آج ملک کے پہلے وزیر اعظم جواہر لال نہرو کو ان کے 135 ویں یوم پیدائش پر خراج عقیدت پیش کیا۔مسٹر مودی نے سوشل میڈیا ‘ایکس ‘ پر اپنی پوسٹ میں لکھاکہ“پنڈت جواہر لال نہرو جی کے یوم پیدائش کے موقع پر میں اپنے سابق وزیر اعظم کو خراج عقیدت پیش کرتا ہوں۔” خراج عقیدت پیش کرتے ہوئے مسٹر کھڑگے نے کہاکہ "ہندوستان کو صفر سے چوٹی تک پہنچانے والے ، جدید ہندوستان کے معمار، ہندوستان کو سائنسی، اقتصادی، صنعتی اور مختلف شعبوں میں ترقی پذیر بنانے والے ، ملک کو مسلسل تنوع میں اتحاد کا پیغام دینے والے ، جمہوریت کے نڈر محافظ اورہمارے لئے تحریک کا ذریعہ، ‘ہند کے جواہر’ کے 135ویں یوم پیدائش پر، ہم ملک کے لیے ان کی بے مثال شراکت کو یاد کرتے ہیں۔مسٹرراہل گاندھی نے کہا،کہ جدید ہندوستان کے باپ، اداروں کے معمار، ہندوستان کے پہلے وزیر اعظم، پنڈت جواہر لال نہرو کو ان کے یوم پیدائش پر خراج عقیدت۔ جمہوری، ترقی پسند، نڈر، دور اندیش، جامع – ‘ہند کے جواہر’ کے یہی اقدارہمارے آئیڈیل ہیں اورہندوستان کے ستون ہیں اور ہمیشہ رہیں گے ۔محترمہ واڈرا نے کہا، ”دنیا میں جتنی بھی برائیاں ہیں، خوف ان سب کی بنیاد ہے، دہائیوں کی جدوجہد اور بے شمار قربانیوں کے بعد جب ہم نے آزادی حاصل کی، تب بھی ایسے لوگ تھے جو معصوم عوام کو ڈرانے اور گمراہ کرنے کی سیاست کرتے تھے ۔ پنڈت جواہر لال نہرو جی نے ڈٹ کر ان کا مقابلہ کیا اور عوام سے کہا کہ ‘ڈرو مت’۔ عوام میں خوف پھیلانے والے لوگ عوام کے حقیقی نمائندے نہیں ہو سکتے ۔ عوامی خدمتگار سینہ تان کر سب سے آگے کھڑے ہوتے ہیں تاکہ لوگ بے خوف ہوکر زندگی گزار سکیں۔ پنڈت نہرو جی نے ہمیشہ عوام کو بے خوفی اور بے لوث خدمت کا درس دیا، دوسری طرف قوم کی تعمیر کے ہر مرحلے پر عوام کو سب سے پہلے رکھا۔ جدید ہندوستان کے خالق کو سلام۔”کانگریس نے اپنے آفیشل پیج پر ٹوئٹ کیا اور کہا، "ایک سوچ جس نے آزاد ہندوستان کے حال کو سنوارتے ہوئے ، اس کے سنہرے مستقبل کی بنیاد رکھی۔ جس نے مشکل حالات میں اپنی ہنرمند قیادت اور دور اندیشی سے ملک کی حالت اور سمت بدل دی۔ اسے عالمی طاقت بنا دیا۔” ملک کے پہلے وزیر اعظم پنڈت جواہر لال نہرو کو ان کے یوم پیدائش پرخراج عقیدت۔