غیر شفاف نظام ناقابل قبول، طلبہ کا ایک شفٹ میں امتحان کا مطالبہ بالکل جائز ہے: راہل گاندھی

نئی دہلیْ کانگریس کے سابق صدر اور لوک سبھا میں اپوزیشن لیڈر راہل گاندھی نے پریاگ راج میں احتجاج کرنے والے طلباءکے مطالبات کو درست قرار دیتے ہوئے جمعرات کو کہا کہ ان کے ساتھ اتر پردیش کی یوگی حکومت کا رویہ غیر حساس اور انتہائی افسوسناک ہے ۔مسٹر گاندھی نے کہا کہ اتر پردیش حکومت اور پبلک سروس کمیشن کو ان مسابقتی طلبا کے ساتھ ظالمانہ سلوک کرنے کے بجائے ان کا مطالبہ مان لینا چاہئے اور پولیس کو ہراساں کرنا بند کرنا چاہئے ۔انہوں نے ‘ایکس’ پر کہا، "یوپی حکومت اور اتر پردیش پبلک سروس کمیشن کا پریاگ راج میں مسابقتی طلبا کے تئیں رویہ انتہائی غیر حساس اور افسوسناک ہے ۔ نارملائزیشن کے نام پر غیر شفاف نظام ناقابل قبول ہے اور طلبہ کا ایک شفٹ میں امتحان کا مطالبہ بالکل جائز ہے ۔”انہوں نے کہا، "طلبا بی جے پی حکومت کی نااہلی کی قیمت کیوں ادا کریں جو تعلیمی نظام کو تباہ کرنے کی کوشش کر رہی ہے ؟ پڑھائی کرنے والے طلبا کو سڑک پر ‘لڑنے ‘ پر مجبور کیا گیا ہے اور اب پولیس انہیں ہراساں کر رہی ہے ۔کانگریس کے لیڈر نے کہا، "ہم ان نوجوانوں کے ساتھ اس ناانصافی کو قبول نہیں کریں گے جو اپنے اور اپنے کنبہ کے خوابوں کو پورا کرنے کے لیے گھر سے دور رہ کر محنت کر رہے ہیں۔ ہم مسابقتی طلباءکے مطالبے کی مکمل حمایت کرتے ہیں۔ ان کے جمہوری حقوق کو آمریت سے دبایا نہیں جا سکتا۔