ایئر پسٹل شوٹر ملائکہ گوئل :کامن ویلتھ گیمز 2014 میں تمغہ جیتنے والی سب سے کم عمر میڈلسٹ

یوم پیدائش 23 اکتوبر
نئی دہلیْ یہ تو حقیقت ہے کہ کھیلوں کو بہت زیادہ لگن اور توجہ کی ضرورت ہے اور شوٹنگ ایک ایسا کھیل ہے جس میں معمولی سی بھی غلطی میدان میں ناکامی کا باعث بن سکتی ہے ۔ ملائکہ گوئل ایک ہندوستانی شوٹر ہیں۔ انہوں نے اسکاٹ لینڈ کے گلاسگو میں 2014 کے کامن ویلتھ گیمز میں خواتین کے 10 میٹر ایئر پسٹل مقابلے میں چاندی کا تمغہ جیتا تھا۔اس طرح پنجاب کے لدھیانہ کی رہائشی ملائکہ کامن ویلتھ گیمز میں یہ کارنامہ انجام دینے والی پہلی ہندستانی شوٹر بن گئیں۔بیس سال کی کم عمری میں بین الاقوامی سطح پر زیادہ سے زیادہ 16 تمغے اپنے نام کرنا کوئی آسان کام نہیں ۔ لدھیانہ شہر سے تعلق رکھنے والی شوٹر ملائکہ گوئل نے یہ کارنامہ انجام دیا ہے ۔ ملائکہ نے 2014 میں منعقد 10 میٹر ایئر پسٹل ایونٹ میں کامن ویلتھ گیمز کی سب سے کم عمر میڈلسٹ بننے کے لیے خود دادو تحسین حاصل کی۔ملائکہ گوئل 23 اکتوبر 1997کو پیدا ہوئیں۔ ملائیکہ کے والد، جو لدھیانہ کے رہائشی ہیں، پنجاب پولیس ویجی لینس میں ایس پی ہیں۔ جب ملائکہ صرف 10 برس کی تھیں تو ان کے والد نے ان سے کسی ایک کھیل کا انتخاب کرنے کو کہا۔ ملائکہ نے بغیر کسی ہچکچاہٹ کے شوٹنگ کا انتخاب کیا۔ اس نے اپنے والد سے خواہش ظاہر کی کہ وہ ایک پیشہ ور شوٹر بننا چاہتی ہوں۔ یہ ان کا جنون تھا محض کوئی شوق نہیں۔ملائکہ نے اپنے خاندان کو یقین دلایا کہ وہ شوٹنگ میں کامیابی حاصل کر سکتی ہیں۔ اپنی بیٹی پر بھروسہ کرتے ہوئے ، گوئل خاندان نے اسے اسکول چھوڑنے کی اجازت دی۔ ا ن کے والد نے گھر پر ایک شوٹنگ رینج بنایا جہاں ملائکہ نے شوٹنگ کی شروع سے مشق کی۔ ملائکہ گوئل نے اس وقت اسکول جانا چھوڑ دیا جب وہ چھٹی کلاس میں تھیں۔ وہ زیادہ تر 16 سالہ بچوں سے بالکل برعکس تھیں۔ انہیں شوٹنگ کے علاوہ کچھ بھی پسند نہیں تھا۔ ملائکہ شوٹنگ سے اتنی کم عمر میں اتنا زیادہ متاثر ہوگ· تھیں کہ وہ جب بھی اسکول سے گھر آتیں وہ ٹی وی پر دہلی گیمز دیکھنے بیٹھ جاتی تھیں۔ انہوں نے لندن اولمپکس کا ہر ایونٹ ٹی وی پر دیکھا۔ صرف شوٹنگ ہی نہیں وہ ہر گیم کو بڑی دلچسپی سے دیکھا کرتی تھیں اور سیکھنے کی کوشش کیا کرتی تھیں۔ان کے والد، جو پنجاب میں ایک پولیس افسر تھے ، نے 10 سال کی عمر میں اصرار کیا تھا کہ اسے کم از کم ایک کھیل کا انتخاب کرنا چاہیے ۔ اسی لئے انہوں نے ہمیشہ پیشہ ورانہ طور پر شوٹنگ کرنا چاہا، یہ کبھی بھی شوق نہیں تھا۔ ملائکہ کی صلاحیتوں کو ان کے کوچ گرجیت سنگھ نے بچوں کے معمول کے تربیتی کیمپ کے دوران پہچانا۔ انہوں نے ملائیکہ کو اس میدان میں آگے بڑھنے کی ترغیب دی۔ ملائکہ کے کوچ گرجیت سنگھ نے ان کی بہترین تربیت کی ہے ۔ ملائکہ کو انہوں نے اس قابل بنادیا ہے کہ وہ ہر سال 3-4 ٹرائلز میں حصہ لیں سکیں جہاں سے ایک شوٹر کسی بھی بین الاقوامی اوریا قومی سطح کے ٹورنامنٹ کے لیے کوالیفائی کرتا ہے ۔ وہ ملک کو مزید قابل فخر لمحات دینے کی صلاحیت رکھتی ہے کیونکہ وہ ہر روز سخت محنت کرتی ہے اور صرف اپنی شوٹنگ پر توجہ دیتی ہے ۔