امید ہے کشمیر میراتھن دنیا کے سرفہرست ایونٹس میں سے ایک بن جائے گی: وزیراعلیٰ

کشمیر دنیا کا جنت ہے اور لوگوں کو یہاں آکر اس طرح کے ایونٹ میں شریک ہونا چاہئے ۔ سنیل شیٹی
سرینگر/ْجموں و کشمیر کے وزیر اعلیٰ عمر عبداللہ، جنہوں نے اتوار کو ہاف میراتھن کو ہری جھنڈی دکھائی نے امید ظاہر کی کہ کشمیر میراتھن آنے والے برسوں میں دنیا کے اعلیٰ ایتھلیٹک مقابلوں میں سے ایک بن جائے گی۔انہوںنے کہا کہ میں سری نگر کے لوگوں کا شکر گزار ہوں جس طرح سے وہ رنرز کی حوصلہ افزائی کے لیے باہر آئے ہیں۔ مجھے امید ہے کہ کشمیر میراتھن دنیا کے سرفہرست مقابلوں میں سے ایک بن جائے گی،“ عبداللہ نے یہاں نامہ نگاروں کو بتایاکہ کشمیر میں پہلی بار بین الاقوامی میراتھن سے وابستہ منتظمین اور دیگر اسٹیک ہولڈرز کا شکریہ ادا کیا کہ انہوں نے اتنا اچھا شو” پیش کیا۔”میں ایونٹ میں حصہ لینے والے ہر ایک کو مبارکباد دیتا ہوں۔ میں نہیں جانتا تھا کہ میں 21 کلومیٹر دوڑ سکوں گا کیونکہ میں نے پہلے 12 یا 13 کلومیٹر کی دوڑ لگائی ہے۔ لیکن مجھے لگتا ہے کہ دوسرے کھلاڑیوں کے ساتھ دوڑنا مجھے رن مکمل کرنے پر مجبور کرتا ہے۔ اس سے قبل بالی ووڈ اداکار سنیل شیٹی، جو کہ پرچم کشائی کی تقریب میں عبداللہ کے ساتھ تھے، نے بھی تقریب کے بارے میں ایسے ہی خیالات کا اظہار کیا۔انہوںنے کہاکہ یہ دنیا میں سب سے زیادہ حصہ لینے والی میراتھن میں سے ایک ہونے والا ہے۔ آپ کو جنت میں 42 کلومیٹر دوڑنا اور کہاں ملے گا!” شیٹی نے کہالوگ کشمیر آنا چاہتے ہیں اور اس قسم کے ایونٹ سے دنیا میں یہ پیغام جا رہا ہے کہ دنیا بھر سے لوگ اس قسم کے ایونٹز میں حصہ لینے کے لئے یہاں آ رہے ہیں جو ایک بہت بڑی بات ہے‘۔انہوں نے کہا:’کشمیر دنیا بھر کے لئے ایک جنت ہے‘۔محکمہ سیاحت نے اس دوڑ کا انعقاد کیا ہے۔