وزیر خارجہ جے شنکر نے نیپالی ہم منصب کے ساتھ دو طرفہ تعلقات پر تبادلہ خیال کیا

 ہندوستان کو بجلی کی برآمد کی ستائش کی
نئی دہلی/بھارتی  وزیر خارجہ ایس جے شنکر نے پیر کو اپنے نیپالی ہم منصب آرزو رانا دیوبا کے ساتھ بات چیت کی اور تجارت، توانائی اور مختلف شعبوں میں کثیر جہتی تعاون پر تبادلہ خیال کیا۔ وزیر خارجہ نے نوٹ کیا کہ نیپال ہندوستان کو تقریباً 1000 میگاواٹ بجلی برآمد کرے گا اور نئی دہلی۔کھٹمنڈو تعلقات کو مزید آگے لے جانے کے لئے ہندوستان کے ‘ پڑوسی پہلے’ پر زور دیا۔سوشل میڈیا پلیٹ فارم  ایکس پر جاتے ہوئے، جے شنکر نے کہا، نیپال کے ایف ایم  آرزورانادیوبا کو بیرون ملک ان کے پہلے سرکاری دورے پر خوش آمدید کہتے ہوئے خوشی ہوئی۔ توانائی، تجارت، رابطے سمیت کثیر جہتی ہندوستان-نیپال تعاون پر تبادلہ خیال کیا،اور بنیادی ڈھانچے کی ترقی پر  بات  چیت کی۔یہ نوٹ کرتے ہوئے خوشی ہوئی کہ نیپال بھارت کو تقریباً 1000 میگاواٹ بجلی برآمد کرے گا، یہ ایک نیا سنگ میل ہے۔ ہماری پڑوس کی پہلی پالیسی اور لوگوں کے درمیان منفرد اور ثقافتی رابطہ ہمارے تعلقات کو آگے بڑھاتا ہے۔نیپالی وزیر خارجہ آرزو رانا دیوبا وزیر خارجہ ایس جے شنکر کی دعوت پر ہندوستان کے پانچ روزہ سرکاری دورے پر اتوار کو نئی دہلی پہنچیں۔ وزارت خارجہ نے کہا کہ  باقاعدہ اعلیٰ سطحی ہند-نیپال دو طرفہ تبادلوں کی روایت    کے طو ر پر  یہ دورہ جاری ہے۔