سری نگر پارلیمانی حلقہ کے اوبزروروں نے ووٹوں کی گنتی کی تیاریوں کا جائزہ لیا

الیکشن کمیشن کے رہنما خطوط کے مطابق ایس کے آئی سی سی میں ووٹوں کی گنتی کےلئے وسیع اِنتظامات کئے گئے ہیں۔ریٹرننگ آفیسر سری نگر
لوک سبھا اِنتخابات۔ 2024 ءکے لئے ووٹوں کی گنتی سے ایک دن قبل سری نگر پارلیمانی حلقہ کے تمام 18 اَسمبلی حلقوں کے لئے کاﺅنٹنگ اوبزروروں نے سوموار کو ایس کے آئی سی سی سی میں نامزد کاﺅنٹنگ سینٹروں پر ووٹوں کی گنتی کے لئے کی گئی تیاریوں اور اِنتظامات کا تفصیلی جائزہ لیا۔ریٹرننگ آفیسر سری نگر پارلیمانی حلقہ ڈاکٹر بلال محی الدین بٹ نے کاﺅنٹنگ اوبزروروں کو ایس کے آئی سی سی سی سری نگر میں نامزد کاﺅنٹنگ ہالوں میں آسان اور بغیر پریشانی کاﺅنٹنگ کے عمل کے لئے کے گئے اِنتظامات آر او سٹاف، اے آر او سٹاف، کاو¿نٹنگ سٹاف، مائیکرو اوبزز، کاو¿نٹنگ ایجنٹوں اور میڈیا پرسنوں کا داخلہ، اِی وِی ایم کی ٹرانسپورٹیشن اور ہینڈلنگ، میڈیا سینٹر، کنٹرول روم، میڈیا گیلری کا قیام، پبلک ایڈریس سسٹم کی تنصیب، شناختی کارڈ کا اجرا¿ کے بارے میں تفصیل سے آگاہ کیا۔ریٹرننگ آفیسر نے بتایا کہ ایس کے آئی سی سی میں 12 کاﺅنٹنگ ہال اور سینتور کمپلیکس میں 6 کاﺅنٹنگ ہال قائم کئے گئے ہیں جن میں سے ہر ہال میں 8 کاﺅنٹنگ ٹیبل ہیں۔ ووٹوں کی گنتی صبح 8 بجے پوسٹل بیلٹ سے شروع ہوگی۔ اِس کے بعد اِی وِی ایم میں ووٹوں کی گنتی الیکشن کمیشن آف اِنڈیا کی ہدایات کے مطابق صبح 8.30 بجے شروع ہوگی۔اِسی طرح اُنہوں نے گاڑیوں کی پارکنگ ، بیر یکیڈنگ اور پارکنگ مینجمنٹ کے بارے میں بھی آگاہ کیا۔سینئر سپراِنٹنڈنٹ آف پولیس سری نگر آشیش مشراجو میٹنگ میں موجود تھے، نے کاﺅنٹنگ اوبزروروں کو کاﺅنٹنگ ہالوں کے مقام اور اِس کے آس پاس کئے گئے سیکورٹی سے متعلق اِنتظامات کے بارے میں بھی بتایا۔ اُنہوں نے اوبزروروں کو بیریکیڈنگ اور پارکنگ مینجمنٹ، سیکورٹی رسائی اور سیکورٹی پاسز کے بارے میں بھی آگاہ کیا۔اِس موقعہ پر کاﺅنٹنگ اوبزرروں نے حلقے میں گنتی کے عمل کو خوش اَسلوبی سے اَنجام دینے کے لئے بغیر کسی رُکاوٹ کے اِنتظامات کو یقینی بنانے پر زور دیا۔اُنہوں نے گنتی کے عمل کے دوران الیکشن کمیشن آف اِنڈیا کے طے شدہ رہنما خطوط پر سختی سے عمل کرنے پر بھی زور دیا تاکہ آزادانہ ، منصفانہ اور بغیر کسی پریشانی کے گنتی کا عمل کو اَنجام دیا جاسکے۔واضح رہے کہ لوک سبھا کی سری نگر پارلیمانی نشست کے لئے ووٹوں کی گنتی 4 جون 2024 ءکو ایس کے آئی سی سی، سنتورکے نامزد کاﺅنٹنگ ہالوں میں ہوگی۔میٹنگ میں سری نگر لوک سبھا نشست کے تمام 18 اسمبلی حلقوں کے اسسٹنٹ ریٹرننگ افسران ، مختلف نوڈل افسران ، ڈپٹی ڈسٹرکٹ الیکشن آفیسرسری نگر اور دیگر متعلقین موجود تھے۔بعد میں ریٹرننگ آفیسر نے نامزد کاو¿نٹنگ اوبزروروں کے ہمراہ ایس کے آئی سی سی سی سنتور کا دورہ کیا اور سری نگر پارلیمانی حلقہ کے ہر اسمبلی حلقے کے لئے مقرر کردہ تمام کاﺅنٹنگ ہالوں میں اِنتظامات کا جائزہ لیا۔