ہندوستان اور فرانس اس ہفتے 50ہزارکروڑ روپے کے 26 رافیل میرین جیٹ سودے پر بات چیت شروع کریں گے

 نئی دلی/ایک اہم پیش رفت میں، ہندوستان اور فرانس کی حکومتوں کے درمیان 26 رافیل میرین لڑاکا طیاروں کے 50,000 کروڑ روپے سے زیادہ کے معاہدے پر بات چیت 30 مئی کو ایک اعلیٰ سطحی فرانسیسی ٹیم کی یہاں آمد کے ساتھ شروع ہونے والی ہے۔دفاعی صنعت کے عہدیداروں نے بتایا کہ فرانسیسی فریق ہندوستانی بحریہ کے لئے لڑاکا جیٹ سودے میں باضابطہ بات چیت شروع کرنے کے لئے ہندوستانی وزارت دفاع کے ہم منصبوں سے ملاقات کرے گا جس کے تحت فورس کے ذریعہ چلائے جانے والے دونوں طیارہ بردار جہازوں سے طیارے چلائے جائیں گے۔ حکام نے بتایا کہ فرانسیسی ٹیم میں ان کی وزارت دفاع اور صنعت کے حکام شامل ہوں گے جن میں اصل سازوسامان بنانے والے ڈسالٹ ایوی ایشن اور تھیلس شامل ہیں۔ہندوستانی فریق میں دفاعی حصول ونگ اور ہندوستانی بحریہ کے ارکان شامل ہوں گے۔ حکومت کے ذرائع نے بتایا کہ وہ فرانس کے ساتھ مذاکرات مکمل کرنے اور رواں مالی سال کے آخر تک معاہدے پر دستخط کرنے کی کوشش کریں گے۔فرانس نے دسمبر میں ہی ہندوستانی بحریہ کے طیارہ بردار بحری جہاز آئی این ایس وکرانت اور آئی این ایس وکرمادتیہ کے لئے 26 رافیل میرین جیٹ خریدنے کے ہندوستان کے ٹینڈر پر اپنا جواب جمع کرایا تھا۔ ہندوستان کے خط قبولیت کا جواب فرانس نے نئی دہلی میں جمع کرایا تھا۔انہوں نے کہا کہ ہندوستانی فریق نے ہندوستانی معاہدے کے لئے فرانسیسی بولی کا تفصیلی مطالعہ کیا ہے جس میں ہوائی جہاز کی تجارتی پیشکش یا قیمت کے ساتھ ساتھ معاہدے کی دیگر تفصیلات بھی شامل ہیں۔ پاک بحریہ کے سربراہ نے اپنی ٹیم کو اس بات کو یقینی بنانے کی ہدایت کی ہے کہ اس منصوبے کے لیے درکار ٹائم فریم کو نمایاں طور پر نچوڑا جائے تاکہ جلد از جلد حتمی شکل دی جائے اور انوینٹری میں طیاروں کی شمولیت کو یقینی بنایا جا سکے۔