لوک سبھا انتخابات ، گنتی کا عمل 4جون کو عمل میں لایا جائے گا

ریٹرنگ آفسیر سرینگر نے ایس کے آئی سی سی میں گنتی کےلئے انتظامات کا جائزہ لیا
سرینگر/ریٹرننگ آفیسر سرینگر پارلیمانی حلقہ ڈاکٹر بلال محی الدین بٹ نے ایس کے آئی سی سی ، سنتور کا دورہ کرکے سرینگر لوک سبھا سیٹ کے لیے مقررہ 4 جون 2024 کوووٹوں کی گنتی کے لیے کیے گئے انتظامات کا جائزہ لیا۔ انہوں نے گنتی مراکز کے اندر اور اس کے آس پاس کیے جانے والے حفاظتی اقدامات کا بھی جائزہ لیا۔ایڈیشنل ڈپٹی کمشنر سرینگر خالد حسین ملک،ایس پی ایسٹ مبشر بخاری،ایڈیشنل ایس پی سیکیورٹی، محمد سلیم، نوڈل آفیسر ٹریننگ، ریاض احمد،نوڈل آفیسر ای ٹی پی بی ایس، مجتبیٰ احمد بانڈے کے علاوہ اس موقع پر ڈپٹی ڈسٹرکٹ الیکشن آفیسر سرینگر میر امتیاز العزیز اور دیگر متعلقہ افسران موجود تھے۔دورے کے دوران ریٹرننگ آفیسر نے متعلقہ آفیسر کے ہمراہ گنتی کے مراکز کے اندر اور اردگرد کی گئی تیاریوں کے حوالے سے انتظامات کا بغور معائنہ کیا تاکہ گنتی کے عمل کو ہموار اور منظم طریقے سے انجام دیا جا سکے۔آر او نے گنتی کے نتائج کے شفافیت، درستگی اور بروقت اعلان کو یقینی بنانے کے لیے نگرانی اور حفاظتی اقدامات، بیٹھنے کے انتظامات، ای وی ایم کی نقل و حمل اور کاو¿نٹنگ ہالز میں تکنیکی سیٹ اپ کو حتمی شکل دی۔انہوں نے مختلف لائن ڈپارٹمنٹس کے افسران کو بلاتعطل بجلی کی فراہمی، مناسب پانی کی فراہمی، مناسب انٹرنیٹ سہولت، میڈیا مینجمنٹ، انٹری پاس اور دیگر ضروری اقدامات کو لوک سبھا سیٹوں کی گنتی سے قبل یقینی بنانے کے لیے ہدایات بھی جاری کیں۔اس موقعے پر افسران کے ساتھ بات چیت کرتے ہوئے، آر او نے گنتی کے مراکز، اسٹرانگ رومز، سی سی ٹی وی لنکس اور جمہوری اقدار کے تقدس اور سالمیت کو برقرار رکھنے کے لیے افرادی قوت کی تربیت کے لیے بغیر کسی رکاوٹ کے انتظامات اور سہولیات کو یقینی بنانے پر زور دیا۔آر او نے یہ بھی کہا کہ گنتی کا عمل ویڈیو ریکارڈنگ کے تحت ای سی آئی کے رہنما خطوط کے مطابق کیا جائے گا اور مبصر اور ریٹرننگ آفیسر کے علاوہ کسی کو بھی گنتی کے کمرے کے اندر موبائل فون لے جانے کی اجازت نہیں ہوگی۔13 مئی 2024 کو 02-سرینگر پارلیمانی حلقہ کے لیے ووٹنگ کا عمل مکمل ہونے کے بعد EVMs کو فی الحال SKICCکے اسٹرانگ رومز میں حفاظتی حصار میں رکھا گیا ہے۔