لاپرواہی کے ذمہ داروں کو بخشا نہیں جائے گا:کجریوال

نئی دہلی/ دہلی کے وزیر اعلی اروند کیجریوال نے بچوں کے اسپتال میں آتشزدگی کے واقعہ کو دل دہلا دینے والا قرار دیتے ہوئے کہا کہ اس لاپرواہی کے ذمہ داروں کو بخشا نہیں جائے گا۔مسٹر کیجریوال نے آج کہا، [؟]بچوں کے اسپتال میں آگ لگنے کا یہ واقعہ دل دہلا دینے والا ہے ۔ ہم سب ان لوگوں کے ساتھ کھڑے ہیں جنہوں نے اس حادثے میں اپنے معصوم بچوں کی جان گنوائی ہے ۔ حکومت اور انتظامیہ کے اہلکار جائے حادثہ پر زخمیوں کو علاج کی فراہمی میں مصروف ہیں۔ واقعے کی وجوہات کی تفتیش کی جارہی ہے اور جو بھی اس لاپرواہی کا ذمہ دار ہوگا اسے بخشا نہیں جائے گا۔قابل ذکر ہے کہ مشرقی دہلی کے وویک وہار واقع بچوں کے اسپتال میں سنیچر کی رات آگ لگنے کے بعد وہاں سے 12 نوزائیدہ بچوں کو نکالا گیا، جن میں چھ معصوم بچوں کی موت ہوگئی۔