ہندوستان کو مضبوط ہاتھوں میں رہنے کی ضرورت ہے اتراکھنڈ وقف بوقف کے چیئرمین نے پی ایم مودی کی حمایت کی

دہرادون۔/ ایک ایسے وقت میں جب دنیا جنگ کے دہانے پر ہے، ہندوستان کو وزیر اعظم نریندر مودی کی مضبوط قیادت کی ضرورت ہے۔ اتراکھنڈ وقف بورڈ کے چیئرمین شاداب شمس نے آج کہاکہپوری دنیا پر جنگ کے بادل منڈلا رہے ہیں۔ افراتفری اور لڑائی جھگڑے کی فضا مختلف ممالک کو اپنی لپیٹ میں لے رہی ہے۔ ایسے وقت میں ہندوستان کو وزیر اعظم نریندر مودی کی مضبوط قیادت کی ضرورت ہے۔ انہیں تیسری مدت حاصل کرنی چاہیے۔ اس  چیزکا نقصان ملک کو ہوگا اگر  اس وقت قیادت کمزور ہاتھوں میں جاتی ہے۔وقف بورڈ کے چیئرمین نے مسلم کمیونٹی کے ارکان کے ساتھ پیر کو ہریدوار کے پیران کلیار میں واقع صابر صاحب کی عالمی مشہور درگاہ پر پی ایم مودی کی طرف سے چادر چڑھائی۔انہوں نے کہا کہ انہوں نے پی ایم مودی کے لیے مسلسل تیسری مدت کے لیے دعا کی تاکہ ہندوستان ان کی قیادت میں ترقی کرتا رہے۔انہوں نے کہا کہ ہم نے پیران کلیار پر چادر چڑھائی اور وزیر اعظم نریندر مودی کی قیادت میں ایک بار پھر مضبوط حکومت کی تشکیل کے لیے ہاتھ اٹھا کر دعا کی تاکہ ملک میں ترقی کا عمل پٹڑی سے نہ اترے۔انہوں نے کہا کہ پی ایم مودی کی قیادت میں ترقی کے ثمرات سماج کے ہر طبقے تک پہنچے ہیں۔مسٹر شمس نے کہا، "آخری آدمی جسے پہلے کبھی فلاحی اسکیموں کا فائدہ نہیں ملا تھا، اس کے سر پر چھت اور اسے بیت الخلا مل رہا ہے۔ سڑکیں بن رہی ہیں، ملک ہر محاذ پر ترقی کر رہا ہے۔اس موقع پر قوالوں نے نریندر مودی کی تعریف میں وقف بورڈ کے چیئرمین کی طرف سے تیار کردہ ایک شعر بھی  ارشاد   فرمایا۔”بھارت کے بیٹے مودی نے بھیجا ہے نظرانہ، بھارت کے بیٹے مودی کو ہے پھر سے لیکر آنا ۔ایک سوال کے جواب میں مسٹر شمس نے کہا کہ اپوزیشن کے الزام کے مطابق پی ایم مودی کی قیادت میں نہ تو مسلمان اور نہ ہی ہندوستان کے آئین کو خطرہ ہے۔انہوں نے کہا کہ "آئین یا مسلمانوں کو کوئی خطرہ نہیں ہے، خطرے میں صرف چند سیاست دانوں کی دکان ہے، اپوزیشن لیڈر ملک کے لوگوں کو خاص طور پر مسلمانوں کو گمراہ کرنے کے لیے یہ جھوٹ پھیلا رہے ہیں۔