بارہمولہ میں تین دہائیوں سے مفرور دو افراد حراست میں
سرینگر//پولیس نے مختلف کیسوں میں ملوث گزشتہ تین دہائیوں سے مفرور ملزمان کے خلاف کارروائی کرتے ہوئے بارہمولہ میں دو افراد کی گرفتاری عمل میں لائی ہے جن کو عدالت کے سامنے پیش کیا جائے گا۔ وائس آف انڈیا کے مطابق بارہمولہ میں جموں و کشمیر پولیس نے ہفتے کے روز کہا کہ تین دہائیوں سے زیادہ عرصے سے گرفتاری سے بچنے والے دو مفروروں کو گرفتار کیا ہے۔مختلف کیسوں میں ملوث مفروروں کے خلاف کریک ڈاو ¿ن جاری رکھتے ہوئے، بارہمولہ میں پولیس نے دو افراد کو گرفتار کیا ہے جو تین دہائیوں سے اپنی گرفتاریوں سے بچ رہے تھے۔بیان میں کہا گیا ہے کہ پولیس اسٹیشن ٹنگمرگ کی ایک پولیس پارٹی نے ایک مفرور شخص کو گرفتار کیا جس کا نام نذیر احمد آہنگر ولد علی محمد ساکن واہی پورہ ٹنگمرگ ساکنہ ٹنگمرگ کی ایف آئی آر نمبر 58/1989 میں شامل ہے۔اسی طرح تھانہ بارہمولہ کی پولیس پارٹی نے ایک مفرور ملزم محمد اشرف لایا ولد غوث رسول ساکن جامعہ محلہ بارہمولہ کو ایف آئی آر نمبر 99/1999 پی ایس بارہمولہ میں ملوث گرفتار کیا۔بارہمولہ کی معزز عدالت اور سب جج جے ایم آئی سی ٹنگمرگ نے بالترتیب ان کے خلاف گرفتاری کا وارنٹ جاری کیا۔ وہ بالترتیب 1989 اور 1999 سے اپنی گرفتاریوں سے بچ رہے تھے۔ دونوں کو بارہمولہ اور جے ایم آئی سی ٹنگمرگ کی معزز عدالت میں پیش کیا گیا۔پولیس اس بات کو یقینی بنانے کے لیے سخت اقدامات کر رہی ہے کہ تمام افراد جو اپنی گرفتاریوں سے مفرور ہیں ان کو پکڑا جائے اور ان کے مجرمانہ اقدامات کے لیے جوابدہ ٹھہرایا جائے۔
