پی ایم مودی نے سری نگر ریلوے اسٹیشن  پر جن اوشدھی  کیندر سامبا میں گتی شکتی ٹرمینل کا افتتاح کیا۔  لیفٹیننٹ گورنرسنہانے شکریہ ادا کیا

نئی دلی/۔ریلوے کے بنیادی ڈھانچے، کنیکٹیویٹی اور پیٹرو کیمیکل سیکٹر کو ایک بڑے فروغ میں، وزیر اعظم نریندر مودی نے منگل کو 85,000 کروڑ روپے سے زیادہ کے ریلوے پروجیکٹوں کا سنگ بنیاد رکھا جو مختلف ریاستوں اور  یونین  ٹیریٹوری کی اقتصادی رفتار کو تشکیل دیں گے۔لیفٹیننٹ گورنر منوج سنہا نے اس دن کو ملک میں ریلوے کنیکٹیویٹی اور انفراسٹرکچر کے لیے ایک اہم دن قرار دیا۔انہوں نے کہا کہ وہ جموں و کشمیر میں ریل کے بنیادی ڈھانچے اور رابطے میں انقلاب لانے کے لئے وزیر اعظم نریندر مودی کے شکر گزار ہیں۔انہوں نے کہا، "سرینگر ریلوے اسٹیشن پر پردھان منتری بھارتیہ جنو شدھی کیندر (PMBJK) کا افتتاح مسافروں کو سستی قیمتوں پر معیاری ادویات اور بہت سے لوگوں کے لیے روزی روٹی کے مواقع کو یقینی بنائے گا۔ایل جی سنہا نے کہا، "اننت ناگ، پامپور، پٹن، کاکاپورہ، پنزگام، صدور، مزوم، اونتی پورہ، بانہال، بارہمولہ، بڈگام، جموں، قاضی گنڈ، کٹرا، سری نگر، بجبہاڑہ، کٹھوعہ میں ون اسٹیشن ون پروڈکٹ’ اسٹال کمزور طبقوں کے کاریگروں کے لیے اضافی آمدنی کے مواقع فراہم کریں گے۔  او ایس او پیان علاقوں کے بھرپور ورثے کو فروغ دے گا اور یہ ‘ وکل فار لوکل’ اور ‘ ون ڈسٹرکٹ ون پروڈکٹ مہم’ کو بھی تقویت دے گا۔ یہ اسٹالز مسافروں کو مستند مقامی اشیا کا تجربہ کرنے اور خریدنے کا موقع فراہم کریں گے۔انہوں نے کہا کہ وزیر اعظم نے شری ماتا ویشنو دیوی کٹرا ریلوے اسٹیشن پر سامبا اور ریل کوچ ریسٹورنٹ میں گتی شکتی ٹرمینل بھی تحفے میں دیا ہے۔ انہوں نے کہا کہ "گتی شکتی ٹرمینل نقل و حمل کے نیٹ ورکس کو تقویت دینے اور پورے خطے میں سامان کی نقل و حرکت کو ہموار کرنے میں ایک اہم کردار ادا کرے گا۔