وادی کشمیر میں گزشتہ تین دنوں میں مختلف حادثات میں 2درجن کے قریب انسانی جانیں تلف
سرینگر/05مارچ//رام بند میں منگل کے روز ایک اور سڑک حادثے میں دو افراد لقمہ اجل بن گئے ہیں ۔ ادھر سرحدی ضلع کپوارہ میں ایک غیر مقامی شخص زند ہ جل کر ہلاک ہوا ہے ۔ اس طرح سے گزشتہ تین دنوں میں وادی کشمیر میں 2درجن سے زائد افراد کی موت واقع ہوئی ہے ۔ وائس آف انڈیاکے مطابق وادی کشمیر میں مختلف وارداتوں میں انسانی جانیںتلف ہونے کاسلسلہ برابر جاری ہے اور منگل کے مزید تین جانیں چلی گئیں جن میں رام بن میں ایک حادثے میں دو افراد کی موت واقع ہوئی ہے جبکہ سرحدی ضلع کپوارہ میں ایک غیر مقامی شہری لقمہ اجل بن گیا ہے ۔ ذرائع نے بتایا کہ رام بن، ایک گاڑی ٹاٹا سومو زیر رجسٹریشن نمبر JK 14 9874 (ٹیکسی کیب) صبحNH-44 پر بیٹری چشمہ رامبن کے قریب تقریباً 150 میٹر گہری کھائی میں گر گئی۔جس دوران ایس ایچ او پی ایس رام بن، سول کیو آر ٹی اور یو ٹی ڈی آر ایف جائے حادثہ پر پہنچ گئے۔مذکورہ گاڑی میں سفر کرنے والے دو افراد نے واپسی کی اور ڈی ایچ رام بن منتقل کیا جہاں میڈیکل افسران نے دونوں کو مردہ قرار دے دیا۔مہلوکین کی شناخت 25سالہ حکم الدین ولد عبدالرحمان اور طارق احمد ولد عبدالرشید جس کی عمر 32سال کے قریب ہے کے بطور ہوئی ہے ۔ یہ گاڑی سنگلدان رام بن سے کشمیر آرہی تھی اور ڈرائیور نے اسے قابو کھودیا جس کی وجہ سے گاڑی گہری کھائی میں جاگری اور دو افراد لقمہ اجل بن گئے ۔ اس سلسلے میں پی ایس رام بن میں قانون کی متعلقہ دفعات کے تحت ایف آئی آر نمبر 48/224 درج کیا گیا ہے۔دریں اثنا ءسرحدی ضلع کپوارہ میں ایک غیر مقامی شخص اُس وقت ہلاک ہوا جب چار اور پانچ مارچ کی درمانی رات کوشاپنگ کمپلیکس میں آگ لگ گئی جس کی وجہ سے فیروز نامی شخص جو کہ اُتر دیش کا رہنے والا ہے زندہ جل کر لقمہ اجل بن گیا ہے ۔ مہلوک اس کمپلیکس میں امبارڈری کا کام کرتا تھا۔ پولیس نے اس ضمن میں رپورٹ درج کرلی ہے ۔ ادھر گزشتہ روز جموں کشمیر میں پانچ افراد مختلف وارداتوںمیں ہلاک ہوئے ۔جموں ڈویڑن کے رامبن ضلع میں پیر کو ایک بڑا سڑک حادثہ پیش آیا۔جس کے باعث چار افراد جاں بحق اور تین زخمی ہوگئے۔جاں بحق ہونے والوں کی شناخت عبدالواحد بالی، عنایت اللہ، محمد ایوب بالی اور ڈرائیور سجاد احمد کے نام سے ہوئی ہے جو تمام پوگل کے رہائشی ہیں۔دریں اثناءسرینگر کے اندرانگر علاقے میں سوموار کے روز محکمہ ایگریکلچر کا ملازم رنبیر سنگ ولد دیش راج سنگھ ساکن جموں کو پارکنگ ایریا میں مردہ پایا گیا ۔ پولیس نے لاش کو تحویل میں لیکر معاملے کی چھان بین شروع کردی ۔ جبکہ گزشتہ روز یعنی سوموار کے روز ہی راجوری ضلع میں پیر کے روز لائن آف کنٹرول (ایل او سی) کے ساتھ اس کا سروس ہتھیار حادثاتی طور پر چل جانے سے ایک فوجی جوان کی گولی لگنے سے موت ہو گئی۔ذرائع نے بتایا کہ لانس نائیک بلویر سنگھ، جو اینٹی انفلٹریشن رکاوٹ نظام (AIOS) کے قریب تعینات تھے، کو ایک گولی لگی جو نوشہرہ سیکٹر میں غلطی سے ان کی سروس رائفل سے چلی گئی۔ ادھر اتوار اور ہفتہ کے روز وادی کشمیر اور جموں ڈویژن میں مختلف حادثات میں 13افراد کی جانیں چلی گئیں ۔ ہفتہ کے روز شدید بارشوں کی وجہ سے ریاسی میں ایک کچا مکان ڈہہ گیا جس کے نتیجے میں مکان کے ملبہ کے نیچے ماں اپنے تین نو نہالوں سمیت دب کر لقمہ اجل بن گئی ۔ جن میں ایک تین ماہ کی شیر خوار بچی بھی شامل تھیں۔ اس بیچ گاﺅں میں ایک اور رہائشی مکان ڈہہ جانے سے عمر رسیدہ جوڑا زخمی ہوگیا جن کو فوری طور پر نزدیکی ہسپتال پہنچایا گیا ہے ۔ ادھر جموں کشمیر میں گزشتہ چوبیس گھنٹوں کے دوران مختلف وارداتوں میں10کے قریب افراد کی موت واقع ہوئی ہے ۔ جبکہ اسی روز شام کو اوڑی میں ایک پل پر کام کررہے تین مزدور دریائے جہلم میں گر کر لقمہ اجل بن گئے تھے ۔ جبکہ سرینگر میں اتوار کے روز ایک دوشیزہ بجلی کرنٹ لگنے سے فوت ہوئی تھی ۔ اس طرح سے تین دنوں میں وادی کشمیر میں قریب 2درجن افراد اپنی جانوں سے ہاتھ دھو بیٹھے تھے ۔
