مدھیہ پردیش کے وزیر اعلیٰ نے وزیر اعظم مودی سے ملاقات کی

 نئی دلی/مدھیہ پردیش کے وزیر اعلیٰ ڈاکٹر موہن یادو نے پارلیمنٹ ہاؤس میں وزیر اعظم جناب نریندر مودی سے بشکریہ ملاقات کی اور ریاست کی ترقی سے متعلق مختلف مسائل پر ان کی رہنمائی حاصل کی۔ میٹنگ کے بعد وزیر اعلیٰ ڈاکٹر یادو نے کہا کہ وزیر اعظم جناب مودی نے یقین دلایا ہے کہ ریاستی حکومت کے ترقیاتی اور عوامی بہبود کے پروگراموں کو مرکزی حکومت سے مکمل تعاون حاصل رہے گا۔وزیر اعلیٰ ڈاکٹر یادو نے پارلیمنٹ ہاؤس میں مرکزی وزیر داخلہ اور تعاون جناب امیت شاہ سے بھی بشکریہ ملاقات کی۔ وزیر اعلیٰ ڈاکٹر یادو نے مرکزی وزیر شری شاہ کو سوامیتو یوجنا اور سی ایم کسان یوجنا کی پیش رفت کے بارے میں آگاہ کیا۔ انہوں نے سائبر تحصیل سسٹم کے بارے میں بھی آگاہ کیا۔ وزیر اعلیٰ ڈاکٹر یادو نے مرکزی وزیر کو امول انڈیا کی طرف سے اجین میں لگائے جا رہے دودھ کی پروسیسنگ پلانٹ کے بارے میں بھی جانکاری دی۔وزیر اعلیٰ ڈاکٹر یادو نے راجیہ سبھا کے رکن پارلیمنٹ اور قومی صدر جناب جے پی نڈا سے بھی پارلیمنٹ ہاؤس میں ہی ملاقات کی اور عوامی فلاح و بہبود سے متعلق مختلف امور پر تبادلہ خیال کیا۔