لیفٹنٹ گورنرمنوج سنہا کی سیاحوں کو جموں وکشمیر آنے کی دعوت
سری نگر //لیفٹنٹ گورنرمنوج سنہا نے ’قومی یوم سیاحت ‘ کے موقعہ پراپنے ایک پیغام میں سیاحوں کوقدرتی نظاروں سے لطف اندوز ہونے کیلئے یہاں سیروتفریح کیلئے آنے کی دعوت دی ۔جے کے این ایس کے مطابق جموں وکشمیرکے لیفٹنٹ گورنرمنوج سنہا نے قومی یوم سیاحت کے موقعہ پراپنی جانب سے ایک مختصر پیغام جاری کیا ۔جمعرات کومعروف سماجی رابطہ گاہ ’ایکس ‘پر اپنے ایک پوسٹ میں لیفٹنٹ گورنرمنوج سنہا نے لکھا’جنت میں خوش آمدید! قومی یوم سیاحت کے موقع پر، میں مسافروں، متلاشیوں کو دعوت دیتا ہوں کہ وہ جموں و کشمیر کا دورہ کریں اور قدرتی خوبصورتی، بہترین کھانوں، متحرک ثقافت، غیر معمولی منزلوں کی حتمی سکون اور تاریخ سے لطف اندوز ہوں“۔خیال رہے بین الااقوامی سطح پر27ستمبر کو منایا جاتاہے جبکہ بھارت میں قومی یوم سیاحت منانے کیلئے25جنوری کادن مقررہے۔قابل ذکر ہے کہ گزشتہ 2برسوں کے دوران جموں وکشمیرکے شعبہ سیاحت کو کافی فروغ ملا کیونکہ تقریباً4کروڑ ملکی اور غیر ملکی سیاح سیروتفریح کیلئے جموں وکشمیر وارد ہوئے ،جن میں سے سال 2023میں سرکاری اعداد وشمار کے مطابق تقریباً2کروڑ سے زیادہ قدرتی نظاروں اور پُرفریب سیاحتی مقامات سے لطف اندوز ہونے کیلئے جموں وکشمیر وارد ہوئے ،تاہم امسال وقت پر برف باری نہ ہونے کی وجہ سے سرمائی سیاحت کو کافی دھچکا لگا ہے اور بڑی تعدادمیں سیاحوںنے کشمیرمیں قائم ہوٹلوں اور جھیل ڈل میں موجود ہاﺅس بوٹوںمیں اپنی بکنگ منسوخ کردیں
