پٹرول اور ڈیزل کی قیمتیں مستحکم

نئی دہلی 09 دسمبر ( یواین آئی ) بین الاقوامی سطح پر خام تیل کی قیمتوں میں زبردست اضافہ کے باوجود پٹرول اور ڈیزل کی قیمتیں آج گھریلو سطح پر مستحکم رہیں جس کی وجہ سے دہلی میں پٹرول کی قیمت 96.72 روپے فی لیٹر اور ڈیزل 89.62 روپے فی لیٹر رہی۔ .تیل کی مارکیٹنگ کی ایک بڑی کمپنی ہندوستان پیٹرولیم کارپوریشن کی ویب سائٹ پر جاری کردہ نرخوں کے مطابق آج ملک میں پیٹرول اور ڈیزل کی قیمتوں میں کوئی تبدیلی نہیں ہوئی ہے ۔ دہلی میں ان کی قیمتیں یکساں رہنے کے ساتھ، ممبئی میں پٹرول کی قیمت 106.31 روپے فی لیٹر اور ڈیزل 94.27 روپے فی لیٹر رہی۔