G20 ایجنڈے میں گلوبل ساؤتھ کی آواز کو شامل کرنے پر ہندوستان کو فخر ہے۔ مودی

 نئی دلی/وزیر اعظم نریندر مودی نے جمعہ کو کہا کہ   دوسری وائس آف گلوبل ساؤتھ سمٹ کا پیغام یہ ہے کہ گلوبل ساؤتھ اپنی خودمختاری چاہتا ہے اور عالمی معاملات میں بڑی ذمہ داریاں لینے کے لیے تیار ہے۔ انہوں نے یہ ریمارکس ترقی پذیر ممالک کے دوسرے ورچوئل سربراہی اجلاس کے اختتامی اجلاس میں کہے جس کی میزبانی ہندوستان نے کی تھی۔چوٹی کانفرنس میں تقریباً 130 ممالک کے لیڈروں کی شرکت کے بارے میں بات کرتے ہوئے مودی نے کہا کہ اس سے جو پیغام سامنے آیا ہے وہ یہ ہے کہ گلوبل ساؤتھ عالمی معاملات میں بڑی ذمہ داریاں لینے کے لیے تیار ہے اور وہ خود مختاری چاہتا ہے۔ مودی نے ہندی میں کہا کہ وائس آف گلوبل ساؤتھ سمٹ کا پیغام یہ ہے کہ گلوبل ساؤتھ گلوبل گورننس میں اپنی آواز چاہتا ہے۔انہوں نے کہا کہ ہندوستان کو G20 جیسے فورم کے ایجنڈے پر گلوبل ساؤتھ کی آواز ڈالنے کا موقع ملنے پر فخر ہے۔”مجھے یقین ہے کہ برازیل کی G20 صدارت کے دوران گلوبل ساؤتھ کی ترجیحات کو آگے بڑھایا جائے گا اور مضبوط کیا جائے گا۔مودی نے کہا کہ ہندوستان گلوبل ساؤتھ کے مقصد کے لیے کام کرتا رہے گا۔