وادی کشمیر میں حالات کافی تبدیل ہوئے ہیں

علیحدگی پسندی سوچ ختم ہوچکی ہے ،نوجوان اب اپنے مستقبل کو روشن بنانے کی طرف گامزن :منوج سنہا
سرینگر/جموں کشمیر کے لیفٹیننٹ گورنر منوج سنہا نے کہا ہے کہ وادی کشمیر میں حالات اب تبدیل ہوچکے ہیں اور لوگ رات دھیر گئے تک اپنے کام انجام دے سکتے ہیں جبکہ پہلے خوف کے مارے پانچ بجے بعد گھروں سے نکلنا مشکل ہوجاتا تھا ۔ ایل جی نے کہا کہ اب جہلم کے کنارے لوگ شام کے بعد ٹہلنے کےلئے جاتے ہیں اور بلا خوف ہر کوئی اپنے گھر سے باہر نکلتا ہے ۔ انہوں نے بتایا کہ ملٹنسی کے خاتمہ کےلئے انتظامیہ پر عزم ہے ۔ ایک نجی چینل کے ساتھ انٹرویو کے دوران جموںوکشمیرکے ایل جی نے کہا کہ جموںو کشمیر میں حالات اب بہتر ہے ڈر خو ف ختم ہوگیاعام انسان اپنے آپ کومحفوظ تصور رکررہاہے ۔انہوںنے کہاکہ کئی برس پہلے جموںو کشمیر میں ایک سال میں ایک سو پچاس دن ہڑتالوں پتھربازی احتجاجوں مظاہروں کی نظر ہوا کرتے تھے اب صورتحال یہ ہے کہ نہ کہیں ہڑتال اور نہ ہی احتجاج ہورہے ہےںسنگ باری اب قصہ پار ینہ بن کررہ گیا ہے ۔جموںو کشمیرکے نوجوان اب درس وتدریس کھیل کود اور اپنے مستقبل کو تابناک بنانے کی طرف گامزن ہے۔انہوںنے کہاکہ علیحدگی پسند رجحان کو ختم کردیاگیا ہے اور ایسے لوگ جیلوں میں ہے اورایسے سوچ رکھنے والوں کے خلاف کسی بھی طرح کی نرمی نہیں بھرتی جائے گی ۔ایل جی نے کہاکہ علیحدگی پسندوں کے ساتھ کوئی بات چیت نہیں ہوگی ہم اپنے لوگوں سے بات کرتے ہےں ۔ انہوں نے بتایا کہ ہم نے جموںو کشمیرکوترقی کی منزلوںپر لے جانا ہے ہم نے ملک کو دنیاکی پانچویں سب سے بڑی معیشت بنانے کی خاطراپنی خدمات کوانجام دیناہے۔ انہوںنے کہاکہ ایم بی بی ایس کی سیٹیں پاکستان میں فراہم کی جاتی تھیں او رپیسے حریت کانفرنس کے لوگ جموںو کشمیرمیں وصول کیا کرتے تھے اب اس طرح کی کارروائیاں ہم نے ختم کردی ہے ۔انٹرویو کے دوران ایل جی نے کہاکہ موجودہ وقت میں رات دس بجے نوجوانوں کواب دریائی جہلم کے کنارے چہل قدمی کرتے ہوئے دیکھے جاسکتے ہیں ۔ انہوں نے بتایا کہ ایک وہ بھی دور تھا جب پانچ بجے کے بعد لوگوں کو اپنے گھروں کولوٹنے پرمجبور ہونا پڑتا تھا یہ بھی دور ہے کہ اسکولوں کالجوں یونیورسٹیوں میں درس وتدریس معمول کے مطابق ہورہاہے میدانوں ، سٹیڈیموںمیں نوجوان ہر طرح کے کھیل میں مشغول ہے ۔پولیس وفورسز کی جانب سے لوگوں کے جان ومال کے تحفظ کویقینی بنایا جارہاہے ہر ایک کام اچھی طرح سے ہورہاہے او رحالات دن بدن بہترہورہے ہےں ۔سال 2022میں ایک کروڑ ساٹھ لاکھ سیاح وارد کشمیر ہوئے رواں برس کے دوران اب تک ایک کروڑ 75لاکھ ملکی غیرملکی سیاح واردکشمیر ہوئے اورا س سال کے آخر تک یہ تعداد دو کروڑ پچیس لاکھ تک پہنچنے کے امکانات ہے ۔ایل جی نے کہاکہ جموں وکشمیر کے لوگ امن ترقی اور خوشحالی کے متمنی ہیں ٹارگٹ کلنگ ہوئی کئی بے گناہ مارے گئے اب اس صورتحال سے نمٹنے کے لئے مین پاور اور ٹیکنالوجی کو بروئے کار لایاجارہاہے ایسے معاملات کی باریک بینی سے تحقیقات ہوگی اور جڑتک پہنچاجائےگا جو بھی ملوث ہوگا انہیںکیفر کردار تک پہنچانے میں کوئی بھی کسر باقی نہیں چھوڑدی جائے گی۔ انہوں نے کہا اداروں میں شفافیت لائی گئی بے ضابطگیوں بدعنوانیوں رشوتخوری میں ملوث ملازمین کے خلاف تحقیقات آخری مرحلے میںکسی کوبخشا نہیں جائےگا جوملازمین ملک دشمنی میں ملوث تھے ان میں سے 55کے قریب ملازمین کوبرطرف کیاگیاکسی کومعاف نہیں کیاجائےگا ۔2024کے پارلیمنٹ الیکشن میں بحثیت امیدوار الیکشن لڑنے کے سوال کاجواب دیتے ہوئے انہوںنے کہاکہ میںوزیراعظم نریندر مودی کے حکم پر تعمیل کرتا ہوں آئیندہ بھی کرتارہوں جہاں کہیں بھی انہیںمیری ضرورت ہوگی میں اپنی خدمات انجام دیتا رہوں گا ۔