چیف سیکریٹری نے ڈوڈہ حادثہ کے بعد بچاو اور بحالی کے اقدامات کا جائزہ لیا

مستقبل میں اس طرح کے حادثات کو روکنے کےلئے فوری اقدامات اُٹھائے جائیں گے ۔ ڈاکٹر ارون کمار
سرینگر/ڈوڈہ سڑک حادثے کے بعد چیف سیکریٹری نے بچاﺅ کارروائیوں اور امدادی سرگرمیوں کے بارے میں جانکاری حاصل کی۔ اس موقعے پر انہوں نے کہا کہ اس بات کا جائزہ لیا جائے گا کہ اس طرح کے حادثات کو روکنے کےلئے کیا اقدمات اُٹھائیے جائیں انہوںنے بتایا کہ اس طرح کے حادثات کو روکنے ضروری اقدامات اُٹھائے جائیں گے اور ان اقدامات کو عملی جامع پہنچانے میں کوئی وقت ضائع نہیں کیا جائے گا۔ چیف سکریٹری ڈاکٹر ارون کمار مہتا نے اسر، ڈوڈہ میں پیش آنے والے المناک سڑک حادثے کے فوراً بعد جس میں 36 افراد کی جانیں چلی گئیں اور 19 زخمی ہوئے نے بچاو¿ کے سلسلے میں ضلع اور ڈویژنل انتظامیہ کی طرف سے اٹھائے گئے اقدامات اور امدادی سرگرمیوںکا جائزہ لیا۔ اس موقعے پر ڈاکٹر مہتا نے اس المناک حادثے پر اپنے صدمے اور غم کا اظہار کیا۔ انہوں نے ان تمام وجوہات کو تلاش کرنے پر زور دیا جو اس واقعے کے نتیجے میں ہو سکتے تھے۔ انہوں نے کہا کہ انتظامیہ تحقیقات کے ذریعے نشاندہی کی گئی خامیوں کو دور کرنے کی ہر ممکن کوشش کرے گی۔ انہوں نے ایسے اقدامات کو تیز کرنے پر زور دیا جو اس بات کو یقینی بنائیں گے کہ مستقبل میں اس طرح سے کوئی جانی نقصان نہ ہو۔چیف سیکرٹری نے متعلقہ ڈویژنل اور ڈپٹی کمشنر سے اب تک کئے گئے امدادی اقدامات اور زخمیوں کو ہسپتالوں میں منتقل کرنے کے بارے میں بھی دریافت کیا۔ انہوں نے محکمہ صحت سے بھی کہا کہ وہ زخمیوں کو بہترین طبی امداد فراہم کرے۔ انہوں نے انہیں ہدایت کی کہ وہ ان کے لیے علاج آسانی سے دستیاب کرائیں تاکہ وہ جلد صحت یاب ہوں۔چیف سیکرٹری نے یہ بھی کہا کہ ایل جی انتظامیہ دکھ اور نقصان کی اس گھڑی میں متاثرہ خاندانوں کے ساتھ ہے۔ انہوں نے کہا کہ سوگوار خاندانوں اور اس حادثے میں زخمی ہونے والوں کی بحالی کے تمام اقدامات اٹھائے جائیں گے۔بتایا گیا کہ چند شدید زخمیوں کو علاج کی ضرورت کے مطابق جی ایم سی ڈوڈہ اور جی ایم سی جموں منتقل کیا گیا۔ بتایا گیا کہ ایل جی کی ہدایت کے مطابق ان کی ہر ممکن مدد کی جا رہی ہے۔اس موقع پر چیف سیکرٹری نے سوگوار خاندانوں سے دلی تعزیت کا اظہار بھی کیا۔ انہوں نے المناک حادثے میں زخمی ہونے والوں کی مکمل اور جلد صحت یابی کے لیے بھی دعا کی۔