کہا کشمیر کے بلند و بالا پہاڑ اور لداخ کے برفیلی میدانوں میں
ہمارے فوجی اہلکار جب نگرانی کرتے ہیں تبھی ہم ملک میں تہوار کی خوشیاں مناسکتے ہیں ۔ وزیر اعظم
سرینگر /12 نومبر//وزیر اعظم نے کہا ہے کہ سرحدوں کی حفاظت پر معمور ہمارے جوان ہمارے لئے سب سے خاص ہیں۔ انہوںنے کہا کہ سرحدوں پرچوکسی کے سبب آج ہم ملک میں خوشیاں منارہے ہیں ۔ وزیر اعظم نے بتایا کہ کشمیر کی پہاڑیوں اور لداخ کے برفیلے میدانوں میں فوجی اہلکار ہمارے لئے کھڑے ہوتے ہیں تاکہ ملک کی عوام چین کی نیند سوسکیں ۔ وزیر اعظم نے ہماچل پردیش میں چینی سرحد کے قریب فوجی اہلکاروں کے ساتھ دیوالی مناتے ہوئے انہیں مبارکباد دی۔ سماجی ویب سائٹ ایکس پر فوجی اہلکاروںکے ساتھ اپنی تصویر شیر کرتے ہوئے کہا کہ میں لیچا ہماچل پردیش پہنچ گیا ۔ وائس آف انڈیا کے مطابق وزیر اعظم نریندر مودی نے اتوار کو ہندوستان-چین سرحد کے قریب ہماچل پردیش کے ایک دور دراز اور اسٹریٹجک علاقے لیپچا میں فوجیوں کے ساتھ دیوالی منائی۔سماجی ویب سائٹ ایکس پر فوجیوں کے ساتھ اپنی تصویریں شیئر کرتے ہوئے وزیر اعظم مودی نے لکھا، ”اپنی بہادر سیکورٹی فورسز کے ساتھ دیوالی منانے کے لیے میں ہماچل پردیش کے لیپچا میں پہنچا۔“ وزیر اعظم نے فوجیوں سے بات چیت کرتے ہوئے بتایا کہ جب آپ سرحدوں پر راتوں کو جاگ کر سرحدوں کی حفاظت کرتے ہو تبھی دیش واسی چین کی نیند سوپاتے ہیں ۔ وزیر اعظم نے کہا کہ جموں کشمیر کی بلند و بالاپہاڑیوں پر سرد وگرم موسم میں اور لداخ کے برفیلے میدانوں میں جب فوجی پہرا دیتے ہیں تبھی ہم تہواریوں کی خوشیاں مناسکتے ہیں ۔ وزیر اعظم نے بتایا کہ ملک کے ان سپوتوں کی قربانیوںکو قوم ہمیشہ یاد رکھے گی۔وزیر اعظم نے بتایا کہ بھاجپا حکومت نے اپنے فوجی بھائیوں کےلئے فلاح و بہبود کے کئے اقدامات اُٹھائے ہیں خاص کر ملک کےلئے اپنی جانیں دینے والے فوجی اہلکاروں کے اہلخانہ کی دیکھ بھال اور ان کو ہر ممکن سہولیت فراہم کرنے کےلئے خصوصی پیکیج چلائے جاررہے ہیں۔ہماچل پردیش کی سرزمین سے وزیر اعظم نے ملک کے عوام کو دیوالی کی مبارک باد پیش کرتے ہوئے کہاکہ انہیں چاہئے کہ وہ ملک کے نوجوانوں کو ہر خوشی میں یاد رکھیں ۔ واضح رہے کہ وزیر اعظم نے اس سے پہلے بھی ہولی ،دیوالی اور دیگر تہوار سرحدوں پر تعینات فوجیوں کے ساتھ منائے ہیں ۔
