موسم سرماءمیں بجلی کی صورتحال کے حوالے سے لیفٹیننٹ گورنر کی صدارت میں میٹنگصارفین کو بلاخلل بجلی کی فراہمی کو یقینی بنایا جائے ۔ ایل جی کی محکمہ کو ہدایت

سرینگر/
وادی کشمیر میں بجلی کی ترسیل کو بہتر بنانے کے حوالے سے لیفٹیننٹ گورنر نے ایک اعلیٰ سطحی میٹنگ کی صدارت کی جس میں انہوں نے بجلی محکمہ پر زور دیا کہ وہ سردیوں میں صارفین کو معقول بجلی فراہم کرنے کےلئے لازمی اقدامات اُٹھائیں ۔ اس سلسلے میں لیفٹیننٹ گورنر منوج سنہا نے پاور ڈیولپمنٹ ڈیپارٹمنٹ کی کارکردگی کا جائزہ لینے کے لیے ایک میٹنگ کی صدارت کی اور جموں کشمیر میں بجلی کی صورتحال کا جائزہ لیا۔لیفٹیننٹ گورنر نے بجلی کی بلند ترین مانگ کو پورا کرنے کے لیے پاور ڈیولپمنٹ ڈیپارٹمنٹ کی جامع حکمت عملی پر تبادلہ خیال کیا۔ انہوں نے سردیوں کے موسم میں بجلی کی مناسب اور قابل اعتماد فراہمی کو یقینی بنانے کے لیے پائیداری اور کارکردگی کو بڑھانے کی بھی ہدایت کی۔لیفٹیننٹ گورنر نے عہدیداروں سے ہدایت کی کہ سمارٹ میٹر والے علاقوں کو زیادہ سے زیادہ بجلی کی فراہمی کو یقینی بنانے اور ان علاقوں میں اے ٹی اینڈ سی نقصانات کو صفر تک لانے کے لیے ٹھوس اقدامات کرنے کی ہدایت دی۔ انہوں نے پی ڈی ڈی کو میٹر والے علاقوں کو قابل اعتماد خدمات اور معیاری بجلی کی فراہمی کو یقینی بنانے کےلئے ہر ممکن اقدامات اُٹھانے کی ہدایت دی ۔ اس موقعے پر بتایا گیا کہ جموں کشمیر میں تقریباً 4 لاکھ اسمارٹ میٹر لگائے گئے ہیں۔لیفٹیننٹ گورنر نے صارفین کو تکلیف سے بچنے کے لیے کٹوتی کے منصوبوں کی تعمیل اور خراب ٹرانسفارمرز کو بروقت تبدیل کرنے کی ہدایت کی۔ انہوں نے مزید کہا کہ آنے والے سردیوں کے موسم کے پیش نظر سرحدی اور دور دراز علاقوں کے لیے ٹرانسفارمرز کا ایڈوانس بفر اسٹاک رکھا جانا چاہیے۔انہوں نے کہا کہ زمین پر موثر نفاذ کے ذریعے بجلی کی چوری سے نمٹا جانا چاہیے۔ایل جی نے کہا کہ وادی کشمیر میں بجلی کی کھپت زیادہ ہوتی ہے تاہم محکمہ کو اس کےلئے پہلے ہے تیاری رکھنی چاہئے ۔ لیفٹیننٹ گورنر نے نئی اور قابل تجدید توانائی کی صلاحیت کو بروئے کار لانے اور جموں کشمیر میں ری ویمپڈ ڈسٹری بیوشن سیکٹر اسکیم (RDSS) کے موثر نفاذ کی مزید ہدایت کی۔اس موقعے پر پاور ڈیولپمنٹ ڈیپارٹمنٹ کے پرنسپل سیکریٹری راجیش پرساد نے بجلی کی ضرورت اور دستیابی کے حوالے سے ایل جی موصوف کو آگاہ کیا ۔ انہوںنے بتایا کہ صارفین کو بلا خلل بجلی کی دستیابی کو یقینی بنانے کےلئے اقدامات اُٹھائے جاچکے ہیں اور موسم سرما کےلئے بجلی کی کھپت کے حوالے سے بڑے پیمانے پر صلاحیت میں اضافہ کیا گیا تاکہ نظام کو اضافی زیادہ مانگ کو پورا کرنے کے قابل بنایا جا سکے۔لیفٹیننٹ گورنر نے موسم سرما کے دوران بڑھتی ہوئی طلب کو پورا کرنے کے لیے اضافی بجلی کی صلاحیت کی دستیابی کے لحاظ سے وسائل کی کافی مقدار کو یقینی بنانے کی ضرورت پر زور دیا۔دریں اثناءمیٹنگ میں بتایا گیا کہ مالی سال 2020-21سے 2023-24تک بجلی کی طلب میں 28فیصدی اضافہ ہوا ہے جبکہ بجلی خسارہ 22فیصدی سے کم ہوکر 12فیصدی رہ گیا ہے ۔ میٹنگ میں چیف سیکریٹری ڈاکٹر ارون کمار مہتا، چیرمین جے کے پی سی ایل ڈاکٹر آر پی سنگھ ، ڈاکٹر مندیپ کمار بھنڈاری پرنسپل سیکریٹری ایل جی کے علاوہ دونوں صوبوں کے ڈویژنل کمشنرس اور محکمہ پی ڈی ڈی کے دیگر اعلیٰ سربراہاں موجود تھے ۔