جانور کو بچانے کی کوشش کے دوران حادثہمزدوروں سے بھری ٹریکٹر ٹرالی اُلٹ گئی، 3 کی موت، 5 زخمی

بڈوانی، 08 اکتوبر آج مدھیہ پردیش کے بڈوانی ضلع کے ٹھکری تھانہ علاقے میں ایک جانور کو بچانے کی کوشش میں مزدوروں کو لے جا رہی ٹریکٹر ٹرالی بے قابو ہو کر الٹ گئی۔ واقعہ کی وجہ سے ٹریکٹر چلانے والے کسان اور دو نابالغ مزدوروں کی موت ہو گئی اور تین کم سن بچوں سمیت پانچ دیگر زخمی ہو گئے ۔ٹکری تھانے کے انچارج وکرم سنگھ بامنیہ نے بتایا کہ کھیتوں میں مزدوروں کو لے جا رہی ٹریکٹر ٹرالی بے قابو ہو کر کنواں-کپالیہ کھیڑی سڑک پر الٹ گئی۔ اس واقعہ کی وجہ سے ٹریکٹر چلا رہے کسان امیت پاٹیدار (35) اور دو مزدور انیل (12) اور ساجن (16) کی موقع پر ہی موت ہو گئی۔ حادثے میں ممتا، بایلی، رویتا، کویتا اور کھیل سنگھ زخمی ہو گئے ۔ تمام مزدور ضلع کے تھانہ نیوالی علاقے کے رہنے والے تھے ۔زخمیوں کو ٹھیکری کے سرکاری اسپتال لایا گیا، جہاں سے انہیں ضلع اسپتال بڈوانی ریفر کردیا گیا۔ انہوں نے بتایا کہ کسان انل پاٹیدار کپاس کی فصل کاٹنے کے لیے مزدور کو کھیت میں لے جا رہے تھے ۔ اسی دوران ایک پل کے موڑ پر ایک سور سامنے آگیا۔ اسے بچانے کے لیے تیز رفتاری سے آنے والا ٹریکٹر بے قابو ہو کر پل سے نیچے گر گیا۔ انہوں نے بتایا کہ ہلاک ہونے والوں کا پوسٹ مارٹم ٹھیکری میں واقع سرکاری اسپتال میں کیا جا رہا ہے ۔