فضائیہ ناقابل تسخیر قوت،طاقت کی کوئی حد نہیں

وزیراعظم، وزیر دفاع اور ڈیفنس چیف نے فضائیہ کے دن کی مبارکباد دی
نئی دہلی/وزیر اعظم نریندر مودی، وزیر دفاع راج ناتھ سنگھ اور چیف آف ڈیفنس اسٹاف جنرل انیل چوہان نے 92ویں فضائیہ کے دن کے موقع پر فضائی جنگجو¶ں اور ان کے اہل خانہ کو مبارکباد دی ہے ۔وزیر اعظم نے اتوار کو ایکس پر پوسٹ کیا “تمام فضائی جنگجو¶ں اور ان کے اہل خانہ کو فضائیہ کے دن پر نیک خواہشات۔ ہندوستان کو ہندوستانی فضائیہ کی بہادری، عزم اور لگن پر فخر ہے ۔ان کی عظیم خدمات اور قربانیاں اس بات کو یقینی بناتی ہیں کہ ہمارے آسمان محفوظ ہیں۔”مسٹر سنگھ نے کہا کہ وہ اس بہادر فورس کے سبھی افسران اور فضائیہ کے جوانوں اور ان کے اہل خانہ کو فضائیہ کے دن کے موقع پر مبارکباد پیش کرتے ہیں۔ انہوں نے کہا کہ ملک کو محفوظ رکھنے والے فضائیہ کے جنگجو¶ں پر ہم سب کو فخر ہے ۔ فضائیہ ایک ناقابل تسخیر قوت ہے جس کی طاقت کی کوئی حد نہیں ہے ۔سبھی فضائی جنگجو¶ں اور ان کے اہل خانہ کو مبارکباد دیتے ہوئے جنرل چوہان نے کہا کہ یہ اہم موقع ہندوستانی فضائیہ کی تقریباً ایک صدی کی غیر متزلزل لگن اور بے مثال خدمات کی علامت ہے ۔ انہوں نے کہا کہ جب ہم اس سنگ میل کا جشن مناتے ہیں تو ہم ان بہادروں کو بھی خراج عقیدت پیش کرتے ہیں جنہوں نے ملک کی خدمت میں عظیم قربانیاں دیں۔ ان کی ہمت، بہادری اور لگن ہندوستانیوں کی نسلوں کو متاثر کرتی رہے گی۔” واضح رہے کہ فضائیہ اتوار کو اپنا 92 واں یوم تاسیس منا رہی ہے ۔ اس موقع پر اتر پردیش کے پریاگ راج میں بمرولی ایئر فورس اسٹیشن میں خاص تقریب میں ایک شاندار پریڈ کا اہتمام کیا گیا۔