کپوارہ میں سڑک حادثات میں ایک کمسن سمیت دو افراد کی موت

سرینگر/
سرحدی ضلع کپوارہ میں ٹریکٹر کے دو الگ الگ حادثات میں ایک کمسن لڑکے سمیت دو افراد ازجان ہوئے ہیں۔ اطلاعات کے مطابق
ضلع کپوارہ کے ہندوارہ قصبے میں کرالہ گنڈ میں سوموار کے روز ایک ٹریکٹ دوران سفر لڑھک گیا جس کے نتیجے میں ٹریکٹر ڈرائیور آصف احمد وانی ولد غلام محمد وانی ساکن منگوال پورہ کی موت واقع ہوئی ہے ۔ ذرائع نے بتایا کہ حادثہ کے فوراً بعد اگرچہ ڈرائیور کو فوری طور پر ہسپتال پہنچایا گیا تھا تاہم ڈاکٹروں نے اسے وہاں مردہ قرادیا۔ ادھر پولیس ذرائع نے حادثے کی تصدیق کرتے ہوئے بتایا کہ قانونی اور طبی لوازمات کے بعد لاش کو ورثاءکے حوالے کی گئی ۔دریں اثناءسرحدی ضلع کپوارہ کے کرناہ علاقے میں پیر کی صبح مبینہ طور پر ایک ٹریکٹر کی ٹکر سے ایک کمسن کی موت واقع ہوئی۔تفصیلات کے مطابق کرناہ میں پیر کی صبح ایک گیارہ سالہ لڑکے کی ٹریکٹر کی ٹکر سے بر سر موقع ہی موت واقع ہوئی۔متوفی کی شناخت 11 سالہ نورین شاہ ولد خادم حسین ساکن چمکوٹ کرناہ کے بطور ہوئی ہے۔دریں اثنا پولیس نے اس سلسلے میں ایک کیس درج کرکے کارروائی شروع کی ہے۔