کولگام میں ایک نوجوان نے خود کشی کی

سرینگر/
جنوبی کشمیر کے ضلع کولگام میں ایک 18سالہ لڑکے نے مبینہ طور پر اپنے آپ کو رسی سے لٹکا کر خود کشی کرلی ہے ۔ اس واقعے کی وجہ سے علاقے میں کہرام مچ گیا اور علاقہ ماتم کدے میں تبدیل ہوا ہے ۔ ذرائع کے مطابق ضلع کولگام کے پنیوہ علاقے میں جمعہ کو بعد از عصر اُس وقت سنسنی پھیل گئی جب ایک 18سالہ نوجوان نے اپنے ہی گھر میں رسی کے پھندے سے اپنے آپ کو لٹکا کر مبینہ طور پر خود کشی کرلی ہے ۔ ذرائع نے بتایا کہ جونہی کنبہ کے افراد نے لڑکے کو رسی سے لٹکتے ہوئے پایا تو فوری طور پر پولیس کو مطلع کیا گیا جنہوںنے اسے فوری طور پر اس کو ڈی ایچ کولگام پہنچایا گیا جہاں ڈاکٹروں نے اسے مردہ قراردیا ۔ پولیس نے اس ضمن میں رپورٹ درج کرکے معاملے کی باریک بینی سے چھان بین شروع کردی ہے ۔ ادھر ذرائع نے بتایا کہ اس واقعے کی وجہ سے علاقے میں کہرام مچ گیا اور لوگوں کی بڑی تعداد وہاں پر جمع ہوئی۔