ہندوستان  اور  یونان جلد ہ مائگریشن  اور نقل و حرکت کی شراکت داری پر دستخط کریں گے۔پی ایم مودی

 ایتھنز/ وزیر اعظم نریندر مودی اور ان کے یونانی ہم منصب  کیاراکوس متسوٹاکیس مائیگریشن اور موبلٹی پارٹنرشپ پر ایک معاہدے پر دستخط کریں گے اور دونوں ممالک کے درمیان تجارتی تعلقات کو گہرا کرنے پر کام کریں گے۔  پی ایم  مودی نے سوشل میڈیا پلیٹ فارم ‘X’ پر  پیش رفت  کے بارے میں جانکاری دی اور کہا  کہ یونانی وزیراعظم اور میں نے اتفاق کیا کہ ہمارے تجارتی تعلقات کو مزید مضبوط بنانے کی ضرورت ہے۔ آنے والے وقت میں ہم اپنے تعلیمی اداروں کے درمیان تعلقات کو مزید گہرا کرنے کے لیے بھی کام کریں گے۔2011 کی یونانی مردم شماری کے مطابق ہندوستانی کمیونٹی کی تعداد 11,333 ہے۔  ہندوستان-یونان تعلقات پر 9 اگست 2023 کو جاری کردہ وزارت خارجہ کے کاغذ کے مطابق فی الحال، ان کا تخمینہ 13000-14000 کے درمیان ہے ۔ وہ کئی سالوں سے یونان کے مختلف حصوں میں رہ رہے ہیں اور ان کا تعلق پنجاب سے ہے اور زیادہ تر سکھ ہیں۔ زیادہ تر ہندوستانی فارم، فیکٹری یا تعمیراتی کارکن ہیں۔بہت سے ہندوستانی کارکنان، جن کے پاس کچھ مدت قیام کے بعد مطلوبہ کاغذات نہیں تھے، نے یونانی حکومت کی طرف سے پیش کردہ معافی کے مختلف ادوار کے دوران قیام کے اجازت نامے حاصل کیے تھے۔پی ایم نے مزید پوسٹ کیا، "ایتھنز میں  یونانی وزیراعظم  کے ساتھ بہت نتیجہ خیز بات چیت ہوئی۔ ہم نے اپنے عوام کے فائدے کے لیے اپنے دوطرفہ تعلقات کو ‘ سٹریٹجک پارٹنرشپ’ تک بڑھانے کا فیصلہ کیا ہے۔ بات چیت میں دفاع، سیکورٹی، انفراسٹرکچر، زراعت، ہنر وغیرہ جیسے شعبوں کا احاطہ کیا گیا۔”دونوں رہنماؤں نے ون آن ون اور وفود کی سطح پر بھی بات چیت کی۔ میٹنگ کے دوران وزیر اعظم مودی نے یونان میں جنگلات میں آتشزدگی کے المناک واقعات میں جان و مال کے نقصانات پر اظہار تعزیت کیا۔ اس سے پہلے  پی ایم مودی نے آج اپنے یونان کے دورے کا آغاز ایتھنز میں نامعلوم فوجی کے مقبرے پر خراج عقیدت پیش کرتے ہوئے کیا۔ بعد ازاں انہیں گارڈ آف آنر دیا گیا۔ہندوستان اور یونان کے درمیان تہذیبی تعلقات ہیں، جو حالیہ برسوں میں بحری نقل و حمل، دفاع، تجارت اور سرمایہ کاری اور عوام سے عوام کے تعلقات جیسے شعبوں میں تعاون کے ذریعے مضبوط ہوئے ہیں۔ اس سے پہلے آج وزیر اعظم نریندر مودی کو یونان کے ایتھنز میں گرانڈ کراس آف دی آرڈر آف آنر سے نوازا گیا۔