سمارٹ سٹی پروجیکٹ کے تحت سری نگر میں 6 ای گاڑیوں کی ٹرائل رن

سری نگر/سری نگر سمارٹ سٹی پروجیکٹ کے تحت جمعرات کو سری نگر میں 6 ای بسوں کی ٹرائل رن انجام دی گئی۔اس موقع پر سری نگر سمارٹ سٹی پروجیکٹ کے سی ای او اطہر عامر خان نے میڈیا کے ساتھ بات کرتے ہوئے کہا کہ یہ ای گاڑیاں سری نگر سمارٹ سٹی پروجیکٹ کا ایک حصہ ہے۔انہوں نے کہا کہ یہ کل ایک سو گاڑیاں ہیں جو پورے شہر میں چلیں گی۔ان کا کہنا تھا کہ ان ای گاڑیوں سے پبلک ٹرانسپورٹ کا مسئلہ دور ہوگا اور لوگوں کو کافی آرام پہنچے گا۔موصوف سی ای او نے کہا کہ سرخ رنگ کی یہ گا?ڑیاں ایکو فرنڈلی ہیں اور اس کے ساتھ ساتھ ائیر کنڈیشنڈ بھی ہیں۔انہوں نے کہا کہ اس کے دروازوں اور دیگر اہم جگہوں پر کیمرے لگے ہوئے ہیں جس سے ڈرائیور کو گاڑی پر پورا کنٹرول حاصل ہونے میں مدد ملتی ہے۔ان کا کہنا تھا کہ یہ ٹاٹا ماڈل کی سروس ہیں اور ہم نے ان سے گاڑیاں خریدی نہیں ہیں بلکہ سروس کا معاہدہ کیا ہے۔اطہر عامر نے کہا کہ یہ گاڑیاں اگلے بارہ برسوں تک چلیں گی۔انہوں نے کہا کہ ہر گاڑی فی دن 2 سو کلو میٹر چلے گی اور ان کے لئے روٹس کی بھی نشاندہی کی گئی ہے۔ان کا کہنا تھا کہ ان گاڑیوں کی ڈیجٹل بورڈنگ اور لائیو ٹریکنگ سہولیات ہیں تاکہ مسافر کو یہ معلوم ہوسکے کہ کس وقت یہ گاڑی کہاں ہوگی۔بتادیں کہ جموں وکشمیر حکومت کل 2 سو ای گاریاں حاصل کی ہیں جن میں سے ایک سو کشمیر کے لئے ایک سو جموں کے لئے ہیں۔