بنگلہ دیش میں، وزیر اعظم شیخ حسینہ نے آج یونیورسل پنشن اسکیم کا اعلان کیا ہے۔

بنگلہ دیش میں، وزیر اعظم شیخ حسینہ نے آج یونیورسل پنشن اسکیم کا اعلان کیا ہے۔ جس کا مقصد 18 سال سے زیادہ عمر والے شہریوں کو پنشن کے زمرے میں لانا ہے۔ انھوں نے اِس پنشن اسکیم کا آغاز ڈھاکہ میں اپنی سرکاری رہائش گاہ سے ایک ورچوئل تقریب میں شرکت کرتے ہوئے کہا۔ یونیورسل پنشن اسکیم کے تحت تیار کئے گئے چھ میں سے ابتدائی طور پر پرگتی، سوروکھا، سمتا اور پرابھاسی نامی چار مختلف پیکیجز کا اعلان کیا گیا ہے۔ جن کے تحت شہریوں کیلئے تا عمر پنشن پانے کی سہولت کو یقینی بنانا ہے۔ پرگتی پیکیج میں پرائیویٹ شعبہ میں ملازمت کرنے والے افراد کو شامل کیا گیا ہے، جبکہ سوروکھا کو اپنا کاروبار کرنے والے افراد کیلئے تیار کیا گیا اور سمتا پیکیج کم آمدنی والے افراد اور پربھاسی پیکیج غیر ملک مقیم بنگلہ دیشی شہریوں کیلئے متعارف کرایا گیا ہے۔
اس اسکیم کے باقی دو پیکیجز کا اعلان بعد میں کیا جائے گا۔ 18 سال سے زیادہ عمر کا کوئی بھی شہری یونیورسل پنشن اسکیم کے تحت اپنی ریٹائرمنٹ کی زندگی کے دوران پنشن کی سہولت حاصل کرسکتا ہے۔ ساتھ ہی اُن سے 60 سال تک کی عمر تک قسطیں جمع کرنی ہوں گی۔ 50 سال سے زیادہ کی عمر کا کوئی بھی شخص اِس اسکیم کا فائدہ لے سکتا ہے، لیکن اِس میں حصہ لینے والے فرد کو لگاتار 10 سال تک قسطیں جمع کرنی ہوں گی۔x