چندریان 3 ہندوستان کے بین الاقوامی تعاون کی سطح کو بلند کرے گا۔ ڈاکٹر جتیندر سنگھ

 نئی دلی/۔ سائنس اور ٹکنالوجی کے مرکزی وزیر مملکت (آزادانہ چارج(،  ڈاکٹر جتیندر سنگھ نے آج کہا، چندریان-3 ہندوستان کے بین الاقوامی تعاون کی سطح کو بلند کرے گا۔ خاص طور پر سائنس، ٹیکنالوجی، اختراعات اور اسٹارٹ اپس میں اس مشن  سے بھارت کا رتبہ بلند  ہوگا ۔وزیر موصوف نے کہا کہ امریکہ کا ناسا اور ہندوستان کا  اسرو انسانی خلائی پرواز کے تعاون کے لئے ایک اسٹریٹجک فریم ورک تیار کر رہے ہیں اور ناسا آج ہندوستان کے خلابازوں کی درخواست کر رہا ہے۔ انہوں نے کہا، ہندوستان نے وزیر اعظم نریندر مودی کے حالیہ دورہ امریکہ کے دوران آرٹیمس ایکارڈس پر بھی دستخط کیے، جو تمام انسانیت کے فائدے کے لیے خلائی تحقیق کے لیے ایک مشترکہ وژن کا تصور کرتا ہے۔مرکزی وزیر ڈاکٹر جتیندر سنگھ کا کہنا ہے کہ چندریان -3 ہندوستان کے بین الاقوامی تعاون کی سطح کو بلند کرے گا۔ ڈاکٹر جتیندر سنگھ ہندوستان اور امریکہ کے ہندوستان میں سفیر ایرک گارسیٹی کی نمائندگی کے بعد آج مشترکہ طور پر "کریٹیکل اینڈ ایمرجنگ ٹکنالوجی: کوانٹم ٹیکنالوجیز اور مصنوعی ذہانت برائے زندگیوں کو تبدیل کرنے” پر مشترکہ طور پر تعاون پر مبنی تجاویز کا آغاز کرنے کے بعد بات کر رہے تھے۔ڈاکٹر جتیندر سنگھ نے کہا، یہ اقدام پی ایم مودی کے امریکی دورے کے تناظر میں آیا ہے، جہاں انہوں نے دو طرفہ جامع اور عالمی اسٹریٹجک شراکت داری کے ایک نئے باب پر زور دیا۔ وزیر نے کہا، انہیں خوشی محسوس ہوئی کہ ہندوستان اور امریکہ دونوں فریقوں نے اپنے آپ کو تیزی سے پوزیشن میں لے لیا ہے تاکہ قائدین کے فیصلے کو عمل درآمد کی سطح تک لے جا سکیں۔ڈاکٹر جتیندر سنگھ نے نشاندہی کی کہ ہند-امریکی مشغولیت نے مصنوعی  ذہانت کے دور میں امریکہ ۔ ہندوستان  تعلقات میں ایک نئی سمت اور نئی توانائی کے ساتھ مستقبل کے لیے ٹیکنالوجی پارٹنرشپ کا نقشہ بنایا ہے۔ڈاکٹر جتیندر سنگھ نے کہا کہ ٹیکنالوجی پر مبنی دیگر امور کے علاوہ یہ بات خوش آئند ہے کہ صدر بائیڈن اور وزیر اعظم مودی نے یو ایس انڈیا سائنس اینڈ ٹیکنالوجی اینڈومنٹ فنڈ (یو ایس آئی ایس ٹی ای ایف) کے تحت 2 ملین ڈالر کے گرانٹ پروگرام کے آغاز کا خیر مقدم کیا۔ مصنوعی ذہانت  اور کوانٹم ٹیکنالوجیز کی مشترکہ ترقی اور کمرشلائزیشن، اور بھارت میں اعلیٰ کارکردگی کمپیوٹنگ  کی سہولیات تیار کرنے کے لیے پبلک پرائیویٹ تعاون کی حوصلہ افزائی کی۔