کمرشل ایل پی جی گیس سلنڈر کی قیمت میں 7 روپے کا اضافہ

سرینگر میںاب کمرشل سلینڈر (19کلو) 2075.50 روپے مقرر
سرینگر/ پبلک سیکٹر آئل مارکیٹنگ کمپنیوں نے کمرشل ایل پی جی گیس سلنڈر کی قیمتوں میں 7 روپے فی سلنڈر کا اضافہ کر دیا ہے تاہم گھریلو ایل پی جی سلنڈر کی قیمتوں میں کوئی تبدیلی نہیں کی گئی ہے۔ اس اضافے کے بعدسرینگر میں کمرشل ایل پی جی کی قیمت 2075.50روپے فی سلینڈر مقرر ہوئی ہے ۔ہندوستان پیٹرولیم کی ایک مقامی ایجنسی کے منیجر فیروز احمد نے بتایا کہ کمرشل گیس کی قیمتیں 7روپے فی سیلنڈر کے حساب سے بڑھی ہیں اور اب سرینگر میں کمرشل ایل پی جی کی قیمت 2075.50روپے فی سلینڈر( 19کلو)پہنچ گئی ہے تاہم اس بار گھریلو رسوئی گیس کی قیمتیں نہیں بڑھی ہیں ۔دریں اثناءدہلی میں 19 کلو کے تجارتی ایل پی جی سلنڈر کی قیمت 1773 روپے سے بڑھ کر 1780 روپے ہوگئی ہے۔اس اضافے کے بعد ممبئی میں کمرشل ایل پی جی سلنڈر کی قیمت 1733.50 روپے سے بڑھ کر 1740.50 روپے ہو جائے گی، چنئی میں یہ 1945 روپے سے بڑھ کر 1952 روپے ہو جائے گی، اور کولکتہ میں یہ 1895 روپے سے بڑھ کر 1902 روپے ہو جائے گی۔اس تازہ ترین اضافے سے پہلے تجارتی ایل پی جی سلنڈروں کی قیمتوں میں لگاتار دو کٹوتی کی گئی تھی جو اس سال مئی اور جون میں تھی۔ مئی میںآئل مارکیٹنگ کمپنیوں نے کمرشل ایل پی جی سلنڈر کی قیمت میں 172 روپے کی کمی کی تھی، جون میں اس کی قیمت میں 83 روپے کی کمی کی گئی تھی۔یکم جون کو کمرشل ایل پی جی سلنڈر کی قیمتوں میں 83.50 روپے کی کمی کر کے 19 کلوگرام فی یونٹ 1773 روپے فی یونٹ کر دیا گیا ہے۔تاہم گھریلو سلنڈر کی قیمتوں میں کوئی نظرثانی نہیں کی گئی۔آئل مارکیٹنگ کمپنیاں عام طور پر ہر مہینے کی پہلی تاریخ کو ایل پی جی (مائع پٹرولیم گیس) کی قیمتوں پر نظر ثانی کرتی ہیں۔ مقامی ٹیکسوں کے لحاظ سے گھریلو کھانا پکانے کی گیس کی قیمتیں ریاست سے دوسرے ریاست میں مختلف ہوتی ہیں۔مئی میں پیٹرولیم اور آئل مارکیٹنگ کمپنیوں نے کمرشل ایل پی جی سلنڈر کی قیمت میں 171.50 روپے کی کمی کی تھی۔اپریل میں بھی ان کی قیمتوں میں 91.50 روپے فی یونٹ کمی کی گئی تھی۔ پیٹرولیم اور آئل مارکیٹنگ کمپنیوں نے اس سال یکم مارچ کو کمرشل ایل پی جی سلنڈر کی قیمتوں میں 350.50 روپے فی یونٹ اور گھریلو ایل پی جی سلنڈر کی قیمتوں میں 50 روپے فی یونٹ اضافہ کیا تھا۔کمرشل سلنڈر کی قیمتوں میں آخری بار گزشتہ سال یکم ستمبر کو 91.50 روپے کی کمی کی گئی تھی۔یکم اگست 2022 کو کمرشل ایل پی جی سلنڈر کی قیمتوں میں بھی 36 روپے کی کمی کی گئی۔واضح رہے کہ گھریلو ایل پی جی کی قیمتیں فی الحال پرانی ہی ہیں اور انہیں ابھی تبدیل نہیں کیا گیا ہے ۔