مرکزی وزیر امت شاہ نے جموں کے تروپتی بالاجی مندر میں پوجا کی

 جموں/مرکزی وزیر امت شاہ نے جمعہ کو جموں ضلع کے تروپتی بالاجی مندر میں لیفٹیننٹ گورنر منوج سنہا کے ساتھ پوجا کی۔جموں ضلع کے ماجین علاقے میں واقع اس مندر کا عملی طور پر افتتاح امت شاہ نے 8 جون کو کیا تھا۔ اسے 62 ایکڑ اراضی پر 25 کروڑ روپے کی تخمینہ لاگت سے تعمیر کیا گیا ہے۔جموں و کشمیر کے اپنے دو روزہ دورے کے ایک حصے کے طور پر، شاہ نے جمعہ کی دوپہر کو سانبہ ضلع میں مختلف پروجیکٹوں کا افتتاح اور سنگ بنیاد رکھا۔ انہوں نے سنٹرل فارنسک سائنس لیبارٹری (سی ایف ایس ایل) کا سنگ بنیاد رکھا اور مستفیدین کو گولڈن ہیلتھ کارڈ حوالے کیا۔مرکزی وزیر نے جموں میں ایک جلسہ عام سے بھی خطاب کیا اور کہا کہ وزیر اعظم نریندر مودی 2024 میں 300 سے زیادہ سیٹیں حاصل کرکے حکومت بنائیں گے اور دوبارہ وزیر اعظم بنیں گے۔مرکزی وزیر نے ڈاکٹر شیاما پرساد مکھرجی کی برسی پر ان کے تعاون کو بھی یاد کیا اور یاد کیا کہ آنجہانی لیڈر کی کوششوں کی وجہ سے بنگال ہندوستان کا حصہ ہے۔مکھرجی جواہر لعل نہرو کی کابینہ میں وزیر رہ چکے تھے ۔آج ڈاکٹر شیاما پرساد مکھرجی کا ‘ بلیدان دیوس’ ہے، پورا ملک جانتا ہے کہ ان کی وجہ سے بنگال آج ہندوستان کے ساتھ ہے، انہوں نے جموں و کشمیر میں آرٹیکل 370 کی مخالفت کی تھی۔ انہوں نے کہا تھا کہ ‘ ایک دیش میں دو ودھان،’ دو پردھان اور دو نشان نہیں  چلیںگے۔پی ایم مودی کے طرز حکمرانی کی تعریف کرتے ہوئے شاہ نے کہا کہ ان کی قیادت میں ایک نیا کشمیر بنایا جا رہا ہے۔انہوں نے کہا کہ جموں و کشمیر میں ہر شہری کو 5 لاکھ روپے کا مفت ہیلتھ انشورنس دیا جا رہا ہے۔