پر پراپرٹی ٹیکس کی آخری تاریخ میں توسیع

ریٹرن جمع کرنے کی مدت ختم ہونے کے بعد محکمہ مکانات و شہری ترقی کا فیصلہ
سری نگر/2جون//جموں و کشمیر میں پراپرٹی ٹیکس کے نفاذ سے متعلق تنازعہ کے درمیان مرکز کے زیر انتظام علاقے کی انتظامیہ نے پراپرٹی ٹیکس ریٹرن داخل کرنے کی آخری تاریخ کو بڑھانے کا فیصلہ کیا ہے۔ہاو¿سنگ اینڈ اربن ڈیولپمنٹ ڈیپارٹمنٹ (ایچ اینڈ یو ڈی ڈی) نے پراپرٹی ٹیکس ریٹرن جمع کرانے کی اصل آخری تاریخ گزر جانے کے بعد جموں و کشمیر میں پراپرٹی ٹیکس کے نفاذ سے متعلق قوانین میں ترمیم کی ہے۔ترمیم شدہ قوانین میں کہا گیا ہے کہ جائیداد کی تفصیلات اور مالی سال 2023-24 کے متعلقہ ٹیکس کو اب 31 جولائی 2023 تک پیش کرنا ہوگا۔بشرطیکہ جائیداد کی تفصیلات اور اس پر مالی سال 2023-24 کے لیے واجب الادا ٹیکس 31 جولائی 2023 تک فارم-1 میں پیش کر دیا جائے گا۔اس شرط کو شامل کیا گیا کیونکہ پراپرٹی ٹیکس ریٹرن فائل کرنے کی اصل آخری تاریخ متعلقہ مالی سال کی 30 مئی ہے۔ایک اہلکار نے وضاحت کرتے ہوئے کہا کہ قانونی نقطہ نظر سے اس شرط کو شامل کرنا ضروری تھا کیونکہ جائیداد کی تفصیلات جمع کرانے کی آخری تاریخ اور جاری مالی سال کے لیے ٹیکس واجب الادا 30 مئی کو گزر چکا تھا۔پراپرٹی ٹیکس کے نفاذ کو سیاسی جماعتوں کی جانب سے تنقید کا سامنا ہے تاہم، جموں و کشمیر انتظامیہ نے اسے برقرار رکھا ہے کہ جموں و کشمیر پراپرٹی ٹیکس کے دائرے میں آنے والا ملک کا آخری خطہ ہے۔