جموں وکشمیر کو آرتھو پیڈکس ، پیڈیا ٹرکس ، سرجری ، جنرل میڈیسن اور 4اینستھیزیا میں12مزید ڈی این بی نشستوں کےلئے منظور ی مل گئی

جموںوکشمیر میں صحت کے منظرنامے کو مضبوط بنانے کی سمت ایک قدم کے طور پر نیشنل بورڈ آف ایگزامینشنز ان میڈیکل سائنس ( این بی اِی ایم ایس ) نے ڈی این بی کے تحت جموںوکشمیر کے سرکاری اِداروں کے لئے مزید 12نشستیں منظور کی ہیں۔یہ نشستیں پہلے دی گئی 270ڈی این بی نشستوں کے علاوہ ہوں گی۔
جے ایل این ایم ہسپتال سری نگر کو آرتھو پیڈکس میں 2نشستوں ، جی ایم سی راجوری کو پیڈیا ٹرکس میں 2نشستوں کے لئے منظور ی ملی۔ڈی ایچ پونچھ کو سرجری میں 2نشستوں ،ڈی ایچ رِیاسی کو جنرل میڈیسن میں 2نشستوں اور جی ایم سی بارہمولہ کے شعبہ اینستھیزیولوجی میں 4 پی جیز ،2پرائمری ڈی این بی اور 2سکیںڈری ڈی این بی نشستوں کے ساتھ ڈی این بی کورسوں کو شروع کرنے کی منظور ی دی گئی۔
سیکرٹر ی صحت و طبی تعلیم محکمہ بھوپندر کمار نے اِس کامیابی کے لئے پورے محکمہ صحت او رطبی تعلیم کو مبارک باد دی ہے اور اِس بار پر مسرت کا اِظہا رکیا ہے کہ ڈی ایچ پونچھ اور ڈی ایچ رِیاسی جیسی دُور دراز کی سہولیات بھی ان ہسپتالوں میں پوسٹ گریجویٹ کورسز شروع کرنے میں کامیاب ہوئی ہیں۔
مشن ڈائریکٹر این ایچ ایم جے اینڈ کے آیوشی سوڈان نے ترقی کے بارے میں تفصیلات بتاتے ہوئے کہا کہ جموںوکشمیر میں ضلعی سطحوں پ رڈی این بی کورسز کے نفاذ کو ملک میں ایک بہترین عمل قرار دیا گیا ہے ۔ جموںوکشمیر یوٹی میں ڈی این بی پروگرام کے تحت سیشن 2022 ءاور 2023ءکے آغاز کے دوران منظور شدہ محکموں کو مجموعی طور پر 270نشستیں دی گئیںجو کہ اِنتظامی محکمہ صحت و طبی تعلیم جے اینڈ کے ، این ایچ ایم جے اینڈکے اور صحت اِداروں کی ٹیم کی مشترکہ کوششوں اور سیکرٹری صحت و طبی تعلیم بھوپندر کمار کی نگرانی کے نتیجے میں ہواہے۔
اُنہوں نے کہا ،” ڈی این بی کورسز کو جموں و کشمیر کے تمام ڈسٹرکٹ ہسپتالوں اور ممکنہ سی ایچ سیز تک پہنچانے کی تمام کوششیں کی جا رہی ہیں اور آنے والے سیشن کے دوران جموں و کشمیر تمام ضلعی ہسپتالوں میں زائد اَز30 درخواستیں جمع کرنے کا منصوبہ بنا رہا ہے۔“
اُنہوں نے کہا کہ مارچ کے شروع میں جموں و کشمیر یوٹی میں 20 نشستوں کو منظوری دی گئی تھی ۔
یہ بات قابل ذِکر ہے کہ ڈی این بی ( ڈپلومیٹ آف نیشنل بورڈ) کورسز ضلعی ہسپتالوں اور نئے گورنمنٹ میڈیکل کالجوں میں اِداروں کو مضبوط کرنے ، پرانے جی ایم سیز اور سکمز کے علاوہ میڈیکل کالج کی بھیڑ کو کم کرنے اور جموںوکشمیر یوٹی میں ماہرین کی کمی کو پورا کرنے کے لئے متعارف کئے گئے ہیں۔
ڈی این بی کورسز کی عمل آوری سے ہیلتھ کیئر خدمات اور اَفرادی قوت کی منصفانہ تقسیم بالخصوص دُور دراز او رمشکل علاقوں میں ہوئی ہے اور ان آبادی کے لئے فائدہ مند ہے جن کی اَپنے علاقوں میں صحت خدمات تک بہت کم رسائی ہے۔
نمبر1026